تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد طول مماس الدائرة بحل معادلتين خطيتين

سوزان فائق

إذا كان ﺃﺟ = (٢ﺱ − ٣) سم، فأوجد ﺱ، ﺹ وقرب الناتج لأقرب جزء من ألف، إذا لزم الأمر.

٠١:٥٢

‏نسخة الفيديو النصية

في الشكل إذا كان أ ﺟ يساوي اتنين س ناقص تلاتة سنتيمتر، فاوجد س و ص وقرّب الناتج لأقرب جزء من ألف إذا لزم الأمر.

فيه نظرية منطوقها: المماسّان المرسومان من نقطة خارج دايرة متطابقان. يبقى بالنسبة للدائرة م: أ ب مماس و أ ﺟ مماس يبقوا متطابقان، يعني أ ب يساوي أ ﺟ، أ ﺟ اتنين س ناقص تلاتة، هيساوي أ ب تسعتاشر سنتيمتر، هنوجد قيمة س، هنجمع تلاتة على طرفَي المعادلة، يبقى اتنين س ناقص تلاتة زائد تلاتة، هيساوي تسعتاشر زائد تلاتة، التلاتة هتُختصر مع التلاتة، يبقى اتنين س تساوي تسعتاشر زائد تلاتة اتنين وعشرين، بقسمة طرفَي المعادلة على اتنين لإيجاد قيمة س، يبقى س هتساوي حداشر، وهي دي أول قيمة مطلوبة.

في الدايرة ن: أ د مماس و أ ﺟ مماس يبقى أ د يساوي أ ﺟ، و أ ﺟ بتساوي أ ب، يبقى أ د هتساوي أ ب، بالتعويض: أ د تساوي ص ناقص خمسة، و أ ب تساوي تسعتاشر، نقدر نوجد قيمة ص، بجمع خمسة على طرفَي المعادلة؛ يبقى ص ناقص خمسة زائد خمسة يساوي تسعتاشر زائد الخمسة، الخمسة والخمسة هيُختصروا مع بعض، يبقى الـ ص تساوي أربعة وعشرين، وهي دي القيمة التانية المطلوبة.