تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تحويل الدرجات إلى راديان

أحمد لطفي

حوِّل قياسات الزوايا الآتية من درجات إلى راديان، بدلالة 𝜋، في أبسط صورة. ٩٠°، ٣٠°، ٥٥°.

٠٢:١٥

‏نسخة الفيديو النصية

حوِّل قياسات الزوايا الآتية من درجات إلى راديان بدلالة 𝜋 في أبسط صورة، ومطلوب نحوّل قياس الزاوية تسعين درجة، ونحوّل قياس الزاوية تلاتين درجة، ونحوّل قياس الزاوية خمسة وخمسين درجة.

في البداية عشان نقدر نحوّل قياسات الزوايا من درجات إلى راديان، فالصيغة المُستخدَمة هتكون 𝜃 راديان هتساوي 𝜃 درجة مضروبة في 𝜋 على مية وتمانين درجة؛ وبالتالي بالنسبة لأول مطلوب لو عايزين نوجد تسعين درجة هتساوي كام راديان، فهيكون عندنا الزاوية هتساوي، هنعوّض مكان 𝜃 درجة بتسعين درجة، فهيكون عندنا تسعين درجة مضروبة في 𝜋 على مية وتمانين درجة؛ يعني الزاوية هتساوي تسعين درجة في 𝜋 على مية وتمانين درجة، يعني الزاوية هتساوي 𝜋 على اتنين راديان، ويبقى التسعين درجة تساوي 𝜋 على اتنين راديان.

بالنسبة لتاني مطلوب وهو تلاتين درجة، فالزاوية هتساوي، هنعوّض عن 𝜃 درجة بـ تلاتين درجة، فهيكون عندنا تلاتين درجة في 𝜋 على مية وتمانين درجة؛ يعني الزاوية هتساوي تلاتين درجة في 𝜋، الكل على مية وتمانين درجة؛ يعني الزاوية هتساوي 𝜋 على ستة راديان، ويبقى كده عندنا تلاتين درجة هتساوي 𝜋 على ستة راديان.

وبالنسبة لتالت مطلوب عند خمسة وخمسين درجة؛ فالزاوية هتساوي، هنعوّض عن 𝜃 درجة ب خمسة وخمسين درجة، فهيكون عندنا خمسة وخمسين درجة في 𝜋 على مية وتمانين درجة؛ يعني الزاوية هتساوي خمسة وخمسين درجة مضروبة في 𝜋 الكل مقسوم على مية وتمانين درجة؛ يعني الزاوية هتساوي حداشر 𝜋 على ستة وتلاتين راديان. يبقى كده قدرنا نوجد إن خمسة وخمسين درجة هتساوي حداشر 𝜋 على ستة وتلاتين راديان.