فيديو: إيجاد معادلة خط مستقيم بمعلومية نقطتين على الخط المستقيم

معاذ صالح

الخط المستقيم ﻝ يمرّ بالنقطتين (٢، ٣)، (−٢، ٥). أوجد معادلة المستقيم، موضحًا إجابتك بالصورة ﺹ = ﻡﺱ + ﺙ.

٠٢:٢٩

‏نسخة الفيديو النصية

الخط المستقيم ل يمرّ بالنقطتين اتنين وتلاتة، وسالب اتنين وخمسة. أوجد معادلة المستقيم موضحًا إجابتك بالصورة: ص تساوي م س زائد ث.

هنوجد معادلة المستقيم باستخدام المعادلة: ص بتساوي م س زائد ث؛ حيث م هو الميل، وَ ث هو الجزء المقطوع من محور الصادات. فالميل إلى هو م هيساوي ص اتنين ناقص ص واحد، على س اتنين ناقص س واحد. فلو النقطة الأولى هي اتنين وتلاتة، فهيبقى س واحد بيساوي اتنين، وَ ص واحد بيساوي تلاتة. ولو النقطة التانية هي سالب اتنين وخمسة، فهيبقى س اتنين بيساوي سالب اتنين، وَ ص اتنين بيساوي خمسة.

يبقى الميل هيساوي ص اتنين اللي هي خمسة، ناقص ص واحد اللي هي تلاتة؛ على س اتنين اللي سالب اتنين، ناقص س واحد اللي هي اتنين. ده هيساوي … خمسة ناقص تلاتة هيساوي اتنين، على … سالب اتنين ناقص اتنين هيساوي سالب أربعة. وباستخدام التبسيط، هيبقى الميل بيساوي سالب واحد على اتنين. فهتبقى معادلة الخط المستقيم، بعد التعويض فيها بالميل، هي: ص بتساوي سالب واحد على اتنين، في س، زائد ث.

وعشان نوجد الـ ث، هنعوّض في المعادلة بأي نقطة من النقطتين، ولتكُن النقطة الأولى. فالمعادلة هتبقى: ص اللي هي في الحالة دي بتساوي تلاتة، بتساوي سالب واحد على اتنين، في س اللي هي في الحالة دي بتساوي اتنين، زائد ث. يعني تلاتة بتساوي … سالب واحد على اتنين، في اتنين هتساوي سالب واحد، زائد ث. فهنضيف واحد للطرفين، فينتج عنها إن ث هيساوي أربعة. يبقى معادلة الخط المستقيم هتبقى ص بتساوي سالب واحد على اتنين س، زائد أربعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.