نسخة الفيديو النصية
عبّر عن أربعة أُس صفر يساوي واحد، في صورة لوغاريتمية.
يعني مُعطى عندنا المعادلة دي. والمعادلة دي بنسميها معادلة في الصورة الأُسية. والمطلوب إننا نحوّل المعادلة دي من الصورة الأُسية إلى الصورة اللوغاريتمية. وخلينا في الأول نفتكر علشان نحوّل معادلة من الصورة الأُسية إلى الصورة اللوغاريتمية. فلو فرضنا إن الصورة الأُسية للمعادلة هي أ أُس س يساوي ص. فبنسمي أ الأساس. وأما س فبنسميها الأُس. وبما إن أ أُس س يساوي ص. فبالتالي هيبقى ص هو الناتج.
فلو عايزين نحوّل المعادلة دي من الصورة الأُسية إلى الصورة اللوغاريتمية. فبنكتبها بالشكل ده. فبنكتب لوغاريتم الناتج اللي هو ص، للأساس واللي هو أ، فبنكتبه هنا. فبالتالي بيبقى لوغاريتم الناتج للأساس بيساوي الأُس، واللي هو عندنا هنا س. فبالتالي هتبقى هي دي الصورة اللوغاريتمية للمعادلة. فبنكتبها في صورة لوغاريتم الناتج للأساس بيساوي الأُس.
فبنفس الطريقة علشان نحوّل المعادلة اللي عندنا في السؤال من الصورة الأُسية إلى الصورة اللوغاريتمية. فهنكتبه بنفس الطريقة اللي عرفناها هنا. فهنلاحظ عندنا هنا إن الأساس أربعة والأس صفر والناتج واحد. فزي ما عرفنا هتبقى الصورة اللوغاريتمية هي لوغاريتم الناتج، والناتج عندنا واحد، فيبقى لوغاريتم واحد. للأساس … والأساس عندنا أربعة، فنكتب أربعة هنا. فبالتالي هيبقى لوغاريتم واحد للأساس أربعة، بيساوي الأُس. والأس عندنا صفر، فيبقى بيساوي صفر. فبالتالي هتبقى هي دي الصورة اللوغاريتمية للمعادلة.
فبالتالي هتبقى إجابة السؤال: «عبّر عن أربعة أُس صفر يساوي واحد في صورة لوغاريتمية» هي: لوغاريتم واحد للأساس أربعة يساوي صفر.
