تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد دورة الدوال المثلثية

أحمد لطفي

ما دورة د(ﺱ) = ٢جا((ﺱ + 𝜋)/٣)؟

٠١:٣١

‏نسخة الفيديو النصية

ما دورة د س بتساوي اتنين جا س زائد 𝜋 الكل مقسوم على تلاتة؟

في البداية لو كان عندنا دالة بالشكل ده: ر س بتساوي أ مضروبة في جا ب س زائد ج زائد د، عشان نقدر نوجد دورة الدالة ر س، فهتساوي اتنين 𝜋 مقسومة على القيمة المطلقة لـ ب؛ يعني دورة الدالة ر س هيساوي اتنين 𝜋 مقسومة على القيمة المطلقة لمعامل س اللي بداخل الدالة المثلثية جا؛ وبالتالي بالنسبة للدالة المعطاة د س، ممكن نكتبها في صورة اتنين في جا ما بداخل الدالة المثلثية اللي هو س زائد 𝜋 الكل مقسوم على تلاتة. عشان نقدر نوجد معامل س فهنكتبه في صورة س على تلاتة زائد 𝜋 على تلاتة؛ وبالتالي دورة الدالة د س هتكون بتساوي اتنين 𝜋 مقسومة على القيمة المطلقة لمعامل س اللي بداخل الدالة المثلثية جا، وبما إن معامل س اللي بداخل الدالة المثلثية جا في الدالة د س بيساوي واحد على تلاتة، فهيكون عندنا اتنين 𝜋 على القيمة المطلقة لواحد على تلاتة؛ يعني دورة د س هتساوي ستة 𝜋.

ويبقى كده قدرنا نوجد دورة د س وكانت بتساوي ستة 𝜋.