تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد مساحة قطاع في الدائرة

سوزان فائق

نصف قطر دائرة يساوي ٢٨ سم وطول قوس أحد القطاعات يساوي ٣٧ سم. أوجد مساحة القطاع الدائري.

٠١:٣٥

‏نسخة الفيديو النصية

نصف قطر دائرة يساوي تمنية وعشرين سنتيمتر، وطول قوس أحد القطاعات يساوي سبعة وتلاتين سنتيمتر. أوجد مساحة القطاع الدائري.

مساحة القطاع الدائري بتساوي مساحة الدائرة في 𝜃 دائري، اللي هو قياس الزاوية المركزية بالدائري على اتنين 𝜋. فعلشان نوجد مساحة قطاع الدائري محتاجين نوجد مساحة الدايرة، وكمان الزاوية المركزية للدائري.

علشان نوجد قياس الزاوية المركزية، هنوجدها من المعطى طول القوس، واللي هو بيساوي سبعة وتلاتين سنتيمتر. هيساوي الـ 𝜃 الدائري، في نصف القطر اللي هو تمنية وعشرين سنتيمتر. يبقى الـ 𝜃 دائري هتساوي سبعة وتلاتين، على تمنية وعشرين. هنستخدم القيمة دي علشان نوجد مساحة القطاع الدائري اللي هو هيساوي مساحة الدايرة؛ 𝜋 نق تربيع، مضروبة في الـ 𝜃 دائري اللي هي سبعة وتلاتين على تمنية وعشرين، والكلام ده مقسوم على اتنين 𝜋.

الـ 𝜋 هنختصرها مع الـ 𝜋، وهنعوض عن الـ نق بتمنية وعشرين سنتيمتر. هنختصر واحدة من التمنية وعشرين مع التمنية وعشرين. يبقى مساحة القطاع الدائري هتساوي تمنية وعشرين في سبعة وتلاتين، على الاتنين، هيساوي خمسمية وتمنتاشر سنتيمتر مربع.