تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: الأعداد الأولية

أماني يوسف

كتاب عدد صفحاته ٤٨٣ صفحة. اكتب هذا العدد في صورة حاصل ضرب أعداد أوّلية.

٠٢:١٦

‏نسخة الفيديو النصية

كتاب عدد صفحاته ربعمية تلاتة وتمانين صفحة. اكتب هذا العدد في صورة حاصل ضرب أعداد أوّلية.

هناخد الربعمية تلاتة وتمانين، ونحللها. الربعمية تلاتة وتمانين ممكن نقسمها على إيه من الأعداد الأوّلية؟ الأعداد الأوّلية، زي الاتنين والتلاتة والخمسة والسبعة، وأعداد أوّلية كتير. فهنلاقي إن أول رقم موجود هو التلاتة. فممكن نقسم العدد ده ربعمية تلاتة وتمانين على التلاتة، هتساوي مية واحد وستين.

طيب لو جرّبنا نقسم المية واحد وستين على الاتنين، مش هتقبل القسمة. على التلاتة، مش هتقبل القسمة. على الخمسة، برضو مش هتقبل. على السبعة هتساوي تلاتة وعشرين. يبقى مية واحد وستين على السبعة هتساوي تلاتة وعشرين. التلاتة وعشرين ما تقبلش القسمة غير على التلاتة وعشرين زيها. فنقسم تلاتة وعشرين على التلاتة وعشرين تساوي واحد. وما دام وصلنا للواحد، يبقى إحنا كده خلّصنا التحليل. هنبصّ على الأعداد اللي قسمنا عليها.

هنلاقي إننا قسمنا في الأول على التلاتة. بعدين قسمنا على السبعة. بعدين قسمنا على التلاتة وعشرين. وده كله عشان نوصل في الآخر للواحد. يبقى عوامل الربعمية تلاتة وتمانين هي: تلاتة في سبعة في تلاتة وعشرين. وهم دول حاصل ضرب الأعداد الأوّلية. يبقى الإجابة النهائية هي: تلاتة في سبعة في تلاتة وعشرين. أو ممكن نكتبها سبعة في تلاتة في تلاتة وعشرين، هي نفس الإجابة.