فيديو: التحويل من الياردات إلى بوصات

أكمل: ٦٦٥ ياردة = _ بوصة.

٠٢:٥٦

‏نسخة الفيديو النصية

أكمل: ستمية خمسة وستين ياردة يساوي، نقط، بوصة.

دلوقتي إحنا عندنا وحدتين من وحدات قياس الطول في النظام الإنجليزي. عايزين نحوّل من الياردة إلى البوصة. يبقى عايزين نشوف إيه العلاقة اللي بتربط الوحدتين دول ببعض. الياردة الواحدة بتساوي ستة وتلاتين بوصة. يبقى الياردة هي الوحدة الكبيرة، والبوصة هي الوحدة الصغيّرة. لمّا بنيجي نحوّل دايمًا من وحدة كبيرة إلى وحدة أصغر، فبنعمل عملية ضرب. في الحالة اللي عندنا دي، يبقى هنضرب في ستة وتلاتين. العكس بقى، لمّا نحوّل مِ الوحدة الصغيّرة إلى الوحدة الأكبر، فبنعمل عملية قسمة. هنقسم هنا على ستة وتلاتين.

إحنا في السؤال اللي عندنا، عايزين نحوّل من الياردة إلى البوصة. يعني هنعمل عملية ضرب. يبقى ستمية خمسة وستين عايزين نضربها في ستة وتلاتين، ونشوف إيه حاصل الضرب. هنبتدي نُجري عملية الضرب اللي عندنا دي بطريقة رأسية. ونوجد حاصل ضرب ستة في خمسة هيساوي تلاتين. صفر، ونحتفظ بالتلاتة فوق خانة العشرات. بعد كده هنضرب ستة في ستة. هيبقى الناتج ستة وتلاتين. ونضيف عليه التلاتة، يبقى تسعة وتلاتين. هنكتب التسعة، ونحتفظ بالتلاتة فوق خانة المئات. دلوقتي هنضرب ستة في ستة، يبقى ستة وتلاتين. ونضيف التلاتة دي، يبقى تسعة وتلاتين.

دلوقتي هنبتدي نضرب تلاتة في خمسة. ناخد بالنا إن إحنا حاصل الضرب هنبتديه من خانة العشرات. هنحطّ صفر في خانة الآحاد، ونبتدي حاصل الضرب المرة دي من خانة العشرات. تلاتة في خمسة بيساوي خمستاشر. خمسة، وهنحتفظ بالواحد فوق خانة العشرات. وبعدين نضرب تلاتة في ستة يساوي تمنتاشر. زائد واحد، يبقى تسعتاشر. هنكتب التسعة، ونحتفظ بالواحد فوق خانة المئات. بعد كده نضرب تلاتة في ستة بتمنتاشر. ونضيف عليهم واحد، يبقى تسعتاشر.

نبتدي نجمع. صفر. تسعة زائد خمسة، أربعتاشر. أربعة، ونحطّ واحد فوق خانة المئات. تسعة زائد تسعة، تمنتاشر. زائد واحد، تسعتاشر. تسعة، وهنحتفظ بواحد فوق خانة الآلاف. ونبتدي نجمع. تلاتة زائد تسعة، اتناشر. زائد واحد، تلتاشر. تلاتة، وهنحتفظ بالواحد فوق خانة عشرات الآلاف. وبعدين نجمع واحد زائد واحد، يبقى عندنا اتنين. يبقى حاصل الضرب اللي عندنا تلاتة وعشرين ألف تسعمية وأربعين.

ويبقى كده حوّلنا ستمية خمسة وستين ياردة إلى ما يكافئها بالبوصة. هيطلع الناتج تلاتة وعشرين ألف تسعمية وأربعين بوصة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.