تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تحديد صيغة الميل والجزء المقطوع لمعادلة التمثيل البياني للخط المستقيم

سوزان فائق

اكتب المعادلة المُمثَّلة بالتمثيل البياني الموضَّح. اكتب إجابتك في صورة ﺹ = ﻡﺱ + ﺏ.

٠٢:٢٥

‏نسخة الفيديو النصية

اكتب المعادلة الممثّلة بالتمثيل البياني الموضح. واكتب إجابتك في صورة ص يساوي م س زائد الـ ب.

من الرسم البياني نقدر نوجد نقطتين بيمُرّ بيهم الخط اللي قدامنا ده؛ يعني النقطة اللي قيمة السينات فيها صفر والصادات اتنين، يعني صفر واتنين، دي نقطة على الخط المُعطى. ونقطة كمان تانية نقدر نوجدها اللي هي هنا دي س بتساوي واحد والـ ص يساوي سالب واحد. يبقى كده عندنا نقطتين نقدر نوجد منهم معادلة الخط المستقيم الموضّح. حيث أن معادلة الخط المستقيم بمعلومية نقطتين س واحد وَ ص واحد، وَ س اتنين و ص اتنين، هي ص ناقص ص واحد على س ناقص س واحد، تساوي ص اتنين ناقص ص واحد على س اتنين ناقص س واحد.

بالتعويض بالنقطتين صفر واتنين، وواحد وسالب واحد؛ يبقى الـ ص ناقص الـ ص واحد قيمتها سالب واحد، على الـ س ناقص الـ س واحد قيمتها واحد، هيساوي … ص اتنين قيمتها اتنين، ناقص ص واحد اللي هي قيمتها سالب واحد، على، س اتنين قيمتها صفر، ناقص الـ س واحد قيمتها واحد.

يبقى الـ ص زائد واحد، على الـ س ناقص الواحد؛ هتساوي … اتنين ناقص سالب واحد يعني اتنين زائد واحد، يبقى تلاتة؛ على السالب واحد، هتساوي سالب تلاتة. بضرب طرفين في وسطين، يبقى الـ ص زائد الواحد هتساوي … سالب تلاتة مضروبة في الـ س ناقص الواحد، هنضرب السالب تلاتة في الـ س ناقص الواحد؛ يبقى الـ ص زائد الواحد هتساوي سالب تلاتة س زائد تلاتة. بطرح واحد من طرفَي المعادلة، يبقى الـ ص زائد الواحد ناقص الواحد، هتساوي سالب تلاتة س زائد تلاتة ناقص واحد. الـ ص زائد الواحد ناقص الواحد ده هيبقى صفر، يبقى الـ ص هتساوي سالب تلاتة س، والتلاتة ناقص الواحد يبقى زائد اتنين.

دي صورة المعادلة في الصيغة م س زائد الـ ب. ويبقى هي دي المعادلة المطلوبة.