فيديو: حل معادلات في متغيِّر واحد

ما العدد الذي إذا ضُرب في ٢ وطُرح ١ من حاصل الضرب، كان الناتج ٩؟

٠١:٣٠

‏نسخة الفيديو النصية

ما العدد الذي إذا ضُرب في اتنين وطُرح واحد من حاصل الضرب، كان الناتج تسعة؟

وفي الأول، عشان نقدر نوجد العدد ده، خلّينا نرمز له بالرمز س. بعد كده هنبدأ نقرا السؤال: «ما العدد الذي إذا ضُرب في اتنين …؟». يعني لمّا نضرب العدد، اللي هو س، في اتنين، وبعد كده هنطرح واحد من حاصل الضرب. يعني هيبقى عندنا س في اتنين، وحاصل ضربهم هنطرح منه واحد. بعد كده هنقرا: «كان الناتج تسعة». فمعنى كده إن المقدار ده بيساوي تسعة. فعلشان نوجد قيمة س يبقى عايزين نحلّ المعادلة.

فهنبدأ الأول نضرب س في اتنين، واللي هتساوي اتنين س. فهتبقى المعادلة هي: اتنين س ناقص واحد بتساوي تسعة. بعد كده هنجمع واحد على طرفَي المعادلة. فيبقى الطرف الأيمن للمعادلة اتنين س ناقص واحد زائد واحد، واللي هيساوي اتنين س. وأمّا الطرف الأيسر، فهيبقى تسعة زائد واحد، واللي هتساوي عشرة. فهتبقى المعادلة اتنين س يساوي عشرة.

بعد كده، عشان نوجد قيمة س يبقى هنقسم طرفَي المعادلة على اتنين. فهيبقى الطرف الأيمن للمعادلة اتنين س على اتنين. فنقدر نختصر اتنين مع اتنين فيتبقّى س. وأمّا الطرف الأيسر، فهنقسم عشرة على اتنين، واللي هتساوي خمسة؛ وبالتالي هتبقى س تساوي خمسة. فمعنى كده إن العدد اللي عايزين نوجده هو خمسة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.