فيديو: إيجاد النسبة المئوية لكمية تحتوي على كسور بسيطة وأعداد صحيحة

رتِّب الآتي ترتيبًا تصاعديًّا: ٢٠٪ من ٧٠، ٧٥٪ من ٧٠، ١٠/٣٪ من ٧٠.

٠٢:١٩

‏نسخة الفيديو النصية

رتب الآتي ترتيبًا تصاعديًّا: عشرين في المية من سبعين، وخمسة وسبعين في المية من سبعين، وتلاتة على عشرة في المية من سبعين.

يعني مُعطى عندنا المقادير دي، وعايزين نرتّبهم ترتيبًا تصاعديًّا؛ يعني من الأقل إلى الأكبر، فهنلاحظ إن التلات مقادير هم عبارة عن نسبة مئوية من العدد سبعين، وبما إن التلات مقادير هم نسبة مئوية من نفس العدد، فمعنى كده إننا محتاجين نقارن النسَب المئوية ببعض ونشوف مين الأكبر ومين الأقل، فهنبدأ الأول نشوف النسبة المئوية عشرين في المية، وخلينا نفتكر إن النسبة المئوية هي كسر مقامُه مية؛ فمعنى كده إن عشرين في المية نقدر نكتبها في صورة كسر بالشكل ده، فيبقى عشرين على مية هو الكسر اللي بيعبّر عن النسبة المئوية عشرين في المية، وبنفس الطريقة خمسة وسبعين في المية معناها خمسة وسبعين على مية. وأما آخر نسبة عندنا اللي هي تلاتة على عشرة على مية، فالكسر تلاتة على عشرة نقدر نكتبه في صورة عدد عشري واللي هيبقى تلاتة من عشرة، وبما إن هو تلاتة على عشرة في المية، فهنكتبه في صورة كسر مقامه مية بالشكل ده، فهتبقى النسبة المئوية تلاتة على عشرة في المية، نقدر نكتبها في صورة كسر اللي هو تلاتة من عشرة على مية.

فبكده يبقى إحنا حوّلنا كل النسب المئوية اللي عندنا إلى كسور، بعد كده عايزين نقارن بين التلات كسور اللي عندنا، وبما إن التلات كسور ليهم نفس المقام اللي هو مية، فمعنى كده إننا كل اللي محتاجينه إننا نقارن البسوط ببعضها، فهنلاحظ إن البسط تلاتة من عشرة هو أقل بسط؛ وبالتالي لمّا نيجي نرتبهم ترتيب تصاعدي هيبقى هو أول واحد، بعد كده هيتبقى عندنا البسط عشرين والبسط خمسة وسبعين، وهنلاحظ إن البسط عشرين هو اللي أقل من خمسة وسبعين فبالتالي هيبقى هو تاني واحد في الترتيب، وآخر بسط عندنا اللي هو خمسة وسبعين واللي هو أكبر بسط فيهم فبالتالي هيبقى هو آخر واحد في الترتيب.

وبالتالي هيبقى الترتيب التصاعدي للمقادير هو: تلاتة على عشرة في المية من سبعين، وبعد كده عشرين في المية من سبعين، وبعد كده خمسة وسبعين في المية من سبعين، وهيبقى هو ده الترتيب التصاعدي.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.