تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد ميل دالة خطية

أحمد مدحت

ما ميل الدالة ٢ﺹ = ٤ﺱ − ١؟

٠١:٠٩

‏نسخة الفيديو النصية

عندنا في المسألة عايزين نوجد ميل الدالة اتنين ص يساوي أربعة س ناقص واحد.

بالنسبة لميل الدالة ممكن نوجده بكل سهولة لو الدالة مكتوبة في صورة صيغة الميل والمقطع، وصيغة الميل والمقطع هي ص تساوي م س زائد ج؛ بحيث إن م هتمثل ميل المستقيم، أما ج فهتمثل المقطع الصادي أو الجزء المقطوع من محور الصادات، والدالة اللي عندنا هي اتنين ص يساوي أربعة س ناقص واحد، فعايزين نكتب الدالة دي على صورة صيغة الميل والمقطع، وعلشان نخلّي الدالة اللي عندنا مكتوبة في صورة صيغة الميل والمقطع محتاجين نتخلص من الاتنين اللي مضروبة في ص، وده هيكون من خلال إن إحنا هنقسم طرفَي المعادلة على اتنين، بكده هيبقى عندنا إن ص تساوي اتنين س ناقص واحد على اتنين، بكده الدالة اللي عندنا مكتوبة في صورة صيغة الميل والمقطع، فلمّا هنقارن ما بين الدالة بعد ما كتبناها في صورة صيغة الميل والمقطع، وصيغة الميل والمقطع نفسها؛ هنلاقي م واللي بتمثل ميل المستقيم اللي بيمثل الدالة يساوي اتنين، وبما إن م تساوي اتنين فهيبقى ميل الدالة اتنين ص يساوي أربعة س ناقص واحد هو اتنين.