تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد جزء بمعلومية نسبته المئوية والكل

نادر عاطف

ما قيمة ١٢٫٥٪ من ٤٠٨؟

٠١:٢٨

‏نسخة الفيديو النصية

ما قيمة اتناشر ونص في المية من ربعمية وتمنية؟

وخلينا في الأول نفتكر إن اتناشر ونص في المية هي نسبة مئوية. والنسبة المئوية هي عبارة عن كسر مقامه مية. فمعنى كده إن اتناشر ونص في المية بتساوي اتناشر ونص على مية. فمعنى كده عشان نوجد قيمة اتناشر ونص في المية من ربعمية وتمنية، فمعنى كده إننا هنضرب اتناشر ونص على مية، في ربعمية وتمنية. وبما إن العدد ربعمية وتمنية هو عدد صحيح، فنقدر نعتبر إن هو كسر مقامه واحد. لأننا لمّا بنقسم أيّ عدد على واحد، مش بنغيّر حاجة من قيمته. فكده بقى عندنا كسرين، نقدر نوجد حاصل ضربهم.

فلمّا بنضرب كسرين، بنضرب البسط في البسط، وبنضرب المقام في المقام. ففي الأول هنضرب البسط في البسط؛ يعني هنضرب اتناشر ونص في ربعمية وتمنية. فلمّا نحسبها هتبقى بتساوي خمسة آلاف ومية. وأمّا في المقام، فهنضرب مية في واحد. ولمّا نحسبها هتبقى بتساوي مية. فبالتالي هيبقى الناتج هو خمسة آلاف ومية، على مية.

ونقدر نختصر عن طريق إننا نقسم البسط والمقام على مية. فلمّا نقسم في البسط خمسة آلاف ومية على مية، هتبقى بتساوي … وأمّا في المقام، فهنقسم مية على مية، واللي هتساوي واحد. فواحد وخمسين على واحد، يعني نقدر نكتبها واحد وخمسين. وبالتالي هيبقى قيمة اتناشر ونص في المية من ربعمية وتمنية، هي واحد وخمسين.