فيديو: امتحان الفزياء للعام السابق • ٢٠١٨/٢٠١٧ • السؤال التاسع عشر أ

امتحان الفزياء للعام السابق • ٢٠١٨/٢٠١٧ • السؤال التاسع عشر أ

٠١:٢٩

‏نسخة الفيديو النصية

كيف يُصنع شبه موصل من النوع الموجب؟

فذرة السيليكون اللي هو أشهر نوع من أنواع أشباه الموصلات، بيبقى تكافؤها رباعي؛ يعني آخر مستوى طاقة ليها بيبقى فيه أربع إلكترونات. وده بيخلي ذرة السيليكون في بلورة السيلكون النقية تشارك إلكتروناتها مع أربع ذرات سيليكون. فلو جبنا شائبة تكافؤها ثلاثي؛ يعني آخر مدار فيه تلات إلكترونات، وحطيناها مكان أحد ذرات السيليكون. هنلاقي إن فيه ذرة سيليكون من الأربعة، ما بيبقاش متواجد فيها إلكترون من الشائبة اللي موجودة في النص. والحالة دي بنسميها فجوة. وشحنة الفجوة دي بتبقى موجبة؛ لأنها بتعبر عن عدم وجود إلكترون. والفجوة دي بتبقى حرة الحركة في وسط البلورة. وعشان كده بنسمي بلورة شبه الموصِّل في الحالة دي من النوع الموجب.

وناخد بالنا إن البلورة ككل ما زالت بدون شحنة؛ وده لأن زي ما عدد الإلكترونات أقل عن لمَّا كان فيه سيليكون بس. برضو عدد البروتونات اللي موجودة في الشائبة قَلِّت عن السيليكون. وده بيخلي البلورة ككل بدون شحنة. ولكن بنسميها من النوع الموجب؛ علشان بتبقى فيه فجوات موجبة الشحنة حرة الحركة في البلورة. فبكده نبقى عرفنا إن طريقة تصنيع شبه الموصل من النوع الموجب، بتبقى عن طريق إضافة ذرات عنصر ثلاثي التكافؤ لبلورة شبه موصِّل نقي. فيزيد تركيز الفجوات حرة الحركة عن تركيز الإلكترونات حرة الحركة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.