فيديو: إيجاد قوة الاحتكاك على مستوًى خشن بمعلومية المُعامِلات الإستاتيكية والحركية للاحتكاك

جسم كتلته ١٩٫٥ كجم وُضع على مستوًى أفقي خشن. معامل الاحتكاك السكوني بين الجسم والمستوى ٠٫٤ ومعامل الاحتكاك الحركي ٠٫٢. أثرت قوة أفقية تزايدية على الجسم حتى تحرك. أوجد قوة الاحتكاك ق_١ بين الجسم والمستوى عندما كان الجسم على وشك التحرك، وأوجد قوة الاحتكاك ق_٢ بين الجسم والمستوى أثناء حركة الجسم، علمًا بأن عجلة الجاذبية د = ٩٫٨ م/ث^٢

٠٣:١٢

‏نسخة الفيديو النصية

جسم كتلته تسعتاشر ونص كيلوجرام، وُضِع على مستوى أفقي خشِن، معامل الاحتكاك السكوني بين الجسم والمستوى أربعة من عشرة، ومعامل الاحتكاك الحركي اتنين من عشرة، أثرت قوة أفقية تزايدية على الجسم حتى تحرك. أوجد قوة الاحتكاك ق واحد بين الجسم والمستوى عندما كان الجسم على وشك التحرُّك، واوجد قوة الاحتكاك ق اتنين بين الجسم والمستوى أثناء حركة الجسم، علمًا بأن عجلة الجاذبية د بتساوي تسعة وتمنية من عشرة متر لكل ثانية تربيع.

الجسم ده محطوط على مستوى أفقي خشِن، فبيبقى له تأثير الوزن اللي هو تسعتاشر ونص كيلوجرام، مضروبة في عجلة الجاذبية اللي هي د، وبيبقى فيه رد فعل للمستوى هنا هنسميه ر، ولمّا هيتحرك بقوة ق هيبقى فيه قوى احتكاك عكس الاتجاه اسمها ح.

وبما إن الجسم في حالة اتزان؛ فالـ ر بتساوي وزن الجسم، ده اللي هو القوة الرأسية الـ و بتساوي رد الفعل اللي هو ر؛ يبقى هنا رد الفعل هيساوي تسعتاشر ونص مضروبة في تسعة وتمنية من عشرة، واللي هو هيساوي مية واحد وتسعين وواحد من عشرة نيوتن، لمّا بيكون الجسم على وشك الحركة فبتبقى الـ ق بتساوي قوى الاحتكاك اللي هي في حالة السكون، واللي هي بتساوي ح س تساوي معامل الاحتكاك بالسكون مضروبة في رد الفعل، واللي هي هنا هتساوي ق واحد اللي هي قوى الاحتكاك بين الجسم والمستوى عندما كان الجسم على وشك الحركة.

لمّا هنعوّض يبقى الـ ق واحد هتساوي … معامل الاحتكاك السكون هو هنا معطى أربعة من عشرة، وهنضرب في رد الفعل اللي هو مية واحد وتسعين وواحد من عشرة، هتساوي ستة وسبعين وأربعة وأربعين من مية نيوتن؛ يبقى هي دي قوى الاحتكاك بين الجسم والمستوى عندما كان على وشك الحركة.

لمّا بيكون الجسم متحرك فبيبقى قوى الاحتكاك اسمها ح للـ ك بتساوي: معامل الاحتكاك عند الحركة اللي هو م ك، مضروب في رد الفعل للمستوى، هيساوي الـ ق اتنين.

لمّا هنعوّض يبقى بيساوي: معامل الاحتكاك الحركي هو اتنين من عشرة، مضروبة في رد الفعل مية واحد وتسعين وواحد من عشرة، هيساوي تمنية وتلاتين واتنين وعشرين من مية نيوتن.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.