فيديو: قسمة أعداد متعدِّدة الأرقام على أعداد مكوَّنة من ٣ أرقام باستخدام القسمة المطوَّلة

احسب ٦٤٢‎٢٤ ÷ ٢٢٣.

٠٣:٤٧

‏نسخة الفيديو النصية

احسب أربعة وستين ألف وميتين أربعة وعشرين، على العدد ميتين تلاتة وعشرين.

هنستخدم القسمة المطوّلة، علشان نجيب خارج قسمة عدد مكوّن من خمس أرقام، على عدد مكوّن من تلات أرقام. هنبدأ بقسمة رقم أكبر خانة؛ خانة عشرات الألوف. اللي هو الستة على الميتين تلاتة وعشرين. هنلاقي إن الستة أصغر، فمش هينفع نقسمها. فهناخد معاها أربعة اللي جنبها، ونقسم أربعة وستين على ميتين تلاتة وعشرين.

برضو مش هينفع، لأنها أصغر. فهناخد الاتنين اللي بعدهم، ونقسم ستمية اتنين وأربعين، على ميتين تلاتة وعشرين. هنسأل نفسنا: يا ترى الستمية اتنين وأربعين، فيها كام ميتين تلاتة وعشرين؟ هنلاقي إن فيها اتنين بس. فهنكتب اتنين في ناتج القسمة. وبعدين نكتب حاصل ضرب اتنين في ميتين تلاتة وعشرين، تحت الستمية اتنين وأربعين.

وبعد كده هنبدأ نطرح. اتنين ناقص ستة، مش هينفع. فهناخد من الأربعة اللي جنبها واحد، وتبقى تلاتة. والاتنين دي تكون اتناشر. دلوقتي هنطرح اتناشر ناقص ستة، بيساوي ستة. وتلاتة ناقص أربعة، برضو مش هينفع. فهناخد من الستة اللي جنبها واحد، وتبقى خمسة. والتلاتة دي هتكون تلتاشر. وبعدين نطرح تلتاشر ناقص أربعة، هيساوي تسعة. خمسة ناقص أربعة، بيساوي واحد.

هنرجع نقسم تاني ناتج الطرح اللي طلّعناه مية ستة وتسعين، على ميتين تلاتة وعشرين. مش هينفع، لأن هو الأصغر. وبالتالي هننزّل الرقم اللي بعدهم، اللي هو اتنين. ونبدأ نقسم ألف تسعمية اتنين وستين، على ميتين تلاتة وعشرين. هنسأل نفسنا: يا ترى إيه العدد اللي لو ضربناه في ميتين تلاتة وعشرين، يكون ناتج الضرب ألف تسعمية اتنين وستين، أو الأقرب ليه؟

بعد ما جرّبنا نضرب الميتين تلاتة وعشرين في الأعداد، هنلاقي إن العدد تمنية، حاصل ضربه مع الميتين تلاتة وعشرين، هو الأقرب للعدد اللي عندنا. واللي بيساوي ألف سبعمية أربعة وتمانين. فهنكتب حاصل الضرب تحت العدد ده، وبعدين نبدأ نطرح.

هنطرح اتنين ناقص أربعة، مش هينفع. فهنخلّيها اتناشر. وناخد من الستة اللي جنبها واحد، وتبقى خمسة. اتناشر ناقص أربعة، يساوي تمنية. خمسة ناقص تمنية، مش هينفع. فهنخلّيها خمستاشر. وناخذ من التسعة اللي جنبها واحد، والتسعة تبقى تمنية. خمستاشر ناقص تمنية، يساوي سبعة. وتمنية ناقص سبعة، يساوي واحد.

وبعدين هنبدأ نقسم تاني ناتج الطرح مية تمنية وسبعين، على ميتين تلاتة وعشرين. هنلاقي إن هو مش هينفع، لأنها أصغر. فهننزّل الأربعة الأخيرة دي، ونقسم ألف سبعمية أربعة وتمانين، على العدد ميتين تلاتة وعشرين. العدد اللي لمّا نضربه في ميتين تلاتة وعشرين، علشان يكون الناتج ألف سبعمية أربعة وتمانين؛ هو العدد تمنية.

بعد كده هنكتب حاصل ضرب تمنية في ميتين تلاتة وعشرين، تحت العدد ده. وبعد كده نطرح. باقي القسمة أصفار. معنى كده إن عملية القسمة انتهت. وناتج القسمة هو العدد ميتين تمنية وتمانين. ودلوقتي نقدر نقول إنه أربعة وستين ألف وميتين أربعة وعشرين، على ميتين تلاتة وعشرين؛ يساوي العدد ميتين تمنية وتمانين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.