فيديو السؤال: تحويل الأعداد الكسرية إلى كسور غير فعلية في المسائل الكلامية الرياضيات

سامح يبلغ طوله ٢٠/٩ ٦ أقدام. عبر عن طوله في صورة كسر غير فعلي.

٠١:٤٨

‏نسخة الفيديو النصية

سامح يبلغ طوله ستة أقدام وتسعة على عشرين. عبِّر عن طوله في صورة كسر غير فعلي.

عندنا في السؤال طول سامح على صورة عدد كسري. يعني إيه عدد كسري؟ يعني كسر متكوِّن من عدد وكسر. وعايزين نكتبه على صورة كسر غير فعلي. يعني إيه كسر غير فعلي؟ كسر غير فعلي؛ يعني كسر متكوِّن من بسط والمقام. بس في الحالة دي البسط بيبقى أكبر من المقام.

هنبدأ نكتب طول سامح اللي هو ستة وتسعة على عشرين، اللي مكتوب على صورة عدد كسري. عشان نحوّله إلى كسر غير فعلي، هنرفع الكسر. إزّاي؟ هنكتب ستة وتسعة على عشرين، هتساوي … هناخد العدد الصحيح اللي هو الستة، وهنضربه في المقام اللي هو العشرين. بعد كده هناخد الناتج ونجمعه على البسط.

نبدأ نضرب. ستة في عشرين بمية وعشرين. هناخد المية وعشرين دي نكتبها هنا، ونجمعها على البسط اللي هو التسعة. هيدينا كام؟ مية تسعة وعشرين. هنكتبها إزّاي؟ هننزّل المقام زي ما هو عشرين، وهناخد الناتج اللي إحنا جبناه ونكتبه في البسط، اللي هو مية تسعة وعشرين.

يبقى طول سامح هيبقى مية تسعة وعشرين على عشرين قدم. يبقى كده عرفنا نجيب طول سامح على صورة كسر غير فعلي.

Nagwa uses cookies to ensure you get the best experience on our website. Learn more about our Privacy Policy.