نسخة الفيديو النصية
اختر مصفوفة من صفين وأربع أعمدة.
عاوزين نختار مصفوفة مكوَّنة من صفين وأربع أعمدة من الاختيارات اللي قدامنا دي؛ فلو جينا نبص على أول اختيار ونشوف فيه كام صف؛ آدي صف، اتنين، تلاتة، أربعة؛ فيه أربعة صفوف. طيب فيه كام عمود؟ واحد، اتنين، تلاتة؛ تلات أعمدة. الصف هو صف المكعبات اللي موجود أفقي، والعمود هو عمود المكعبات اللي موجود رأسي، فأول شكل فيه أربع صفوف وتلات أعمدة، يبقى مش هو الشكل الصح.
نشوف الشكل التاني فيه كام صف؟ آدي صف، اتنين، تلاتة، أربعة؛ وكام عمود؟ واحد، اتنين؛ برضو مش هو اللي صح؛ لأن الشكل اللي إحنا عايزينه لازم يكون مكوّن من صفين وأربع أعمدة.
طيب بالنسبة للشكل التالت؟ آدي صف، آدي اتنين، آدي تلاتة صفوف. وكام عمود؟ واحد، اتنين، تلاتة، أربعة؛ فيه أربع أعمدة بس ما فيهوش صفين، ده فيه تلات صفوف يبقى مش هو الشكل المطلوب.
ونيجي للشكل اللي بعده؛ فيه صف، اتنين؛ تمام فيه صفين. فيه كام عمود بقى؟ عمود، اتنين، تلاتة، أربعة، خمسة؛ فيه خمسة أعمدة مش أربعة، يبقى مش هو الشكل المظبوط.
ونيجي لآخر شكل، آخر شكل فيه إيه؟ صف، اتنين؛ صفين. كام عمود؟ واحد، اتنين، تلاتة، أربعة؛ أربع أعمدة، يبقى الشكل ده هو اللي فيه صفين وأربع أعمدة، ودي الشبكة المصفوفة اللي إحنا المفروض نختارها.
