تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: استخدام نظرية ذات الحدين

سوزان فائق

استخدم نظرية ذات الحدّين؛ لإيجاد المقدار (أ − ب)^٥.

٠٣:٠٦

‏نسخة الفيديو النصية

استخدم نظرية ذات الحدّين؛ لإيجاد المقدار أ ناقص ب، الكل أُس خمسة.

لإيجاد قيمة مقدار زيّ الـ أ زائد الـ ب، الكل أُس ن، باستخدام نظرية ذات الحدّين. هيساوي: ∑ الـ ر يساوي صفر إلى الـ ن، للـ ن ق ر، في أ أُس، ن ناقص الـ ر، في الـ ب أُس ر.

في المقدار المعطى، الـ أ هي الـ أ، لكن الـ ب إشارتها سالبة. والـ ن بتساوي الخمسة. يبقى المفكوك هيبقى: ∑ ر يساوي صفر إلى خمسة، خمسة ق ر، في أ أُس، خمسة ناقص الـ ر، مضروبة في السالب ب أُس الـ ر. هنغيّر قيم الـ ر من الصفر إلى الخمسة، ونوجد مجموع الحدود دي.

أول حدّ، الـ ر بتساوي صفر، هيبقى: خمسة ق صفر، في أ أُس، خمسة ناقص الصفر، في السالب ب أُس صفر. تاني حدّ لمّا الـ ر هتساوي واحد، هيبقى: خمسة ق واحد، في أ أُس، خمسة ناقص الواحد، في السالب ب أُس واحد. تالت حدّ لمّا الـ ر هتساوي اتنين، يبقى: خمسة ق اتنين، في أ أُس، خمسة ناقص اتنين، في سالب ب أُس اتنين. لمّا الـ ر هتساوي تلاتة، يبقى: خمسة ق تلاتة، في أ أُس، خمسة ناقص تلاتة، في سالب ب أُس تلاتة. والحدّين اللي باقيين، إن لمّا الـ ر تساوي أربعة، والـ ر تساوي خمسة، هيبقوا: خمسة ق أربعة، في أ أُس، خمسة ناقص أربعة، في السالب ب أُس أربعة. زائد خمسة ق خمسة، في أ أُس، خمسة ناقص خمسة، في سالب ب أُس خمسة.

هنبسّطها. يبقى الكلام ده هيساوي … خمسة ق صفر، اللي هي قميتها مضروب الخمسة على، مضروب الخمسة ناقص الصفر، في مضروب الصفر. يبقى في أ أُس خمسة … ناقص ب أُس صفر هتبقى بواحد. يبقى هو ده الحدّ الأول. الحدّ التاني هيبقى … مضروب الخمسة على، الخمسة ناقص الواحد، هنوجد لها المضروب. في مضروب الواحد، مضروبين في الـ أ أُس، خمسة ناقص واحد. يبقى الـ أ أُس أربعة، وسالب ب زيّ ما هي؛ لأنها أُس الواحد. وهنكمّل بقية الحدود لغاية ما نوصل لخمسة ق خمسة، اللي هو مضروب الخمسة على … الخمسة ناقص الخمسة هنوجد لها المضروب. في مضروب الخمسة. الكلام ده كله في أ أُس صفر، اللي هو بواحد، في سالب ب أُس خمسة.

هنبسّط الحدود، يبقى المقدار هيبقى: أ أُس خمسة. ناقص خمسة، في أ أُس أربعة في الـ ب. زائد عشرة في أ أُس تلاتة ب تربيع. ناقص العشرة في الـ أ تربيع في الـ ب أُس تلاتة. زائد الخمسة أ في الـ ب أُس أربعة ناقص الـ ب أُس خمسة.

وهو ده مفكوك المقدار أ ناقص ب الكل أُس خمسة، باستخدام نظرية ذات الحدّين.