فيديو: حل المسائل الكلامية بجمع الكسور ذات المقامات المتشابهة وطرحها

في إحدى المدارس، التحقت مجموعة من الطلاب بفصول مختلفة. باستخدام الجدول، أوجد الكسر الذي يمثِّل عدد الطلاب الملتحقين بفصول الرسم والموسيقى وأعمال النجارة، والفرق بين هذا الكسر والكسر الذي يمثِّل الطلاب الملتحقين بفصل الفلسفة.

٠٣:٠١

‏نسخة الفيديو النصية

في إحدى المدارس الْتحقت مجموعة من الطلاب بفصول مختلفة. باستخدام الجدول أوجد الكسر الذي يمثّل عدد الطلاب الملتحِقين بفصول الرسم، والموسيقى، وأعمال النجارة. والفرق بين هذا الكسر والكسر الذي يمثّل الطلاب الملتحِقين بفصل الفلسفة.

في المثال ده عندنا مطلوبين؛ المطلوب الأول إننا نوجد الكسر اللي بيمثّل عدد الطلاب الملتحقين بفصول الرسم والموسيقى وأعمال النجارة. معنى كده إننا هنجيب حاصل جمع التلات كسور دول، وبعد ما نجيبه هنطرح منه الكسر اللي بيمثّل عدد الطلاب الملتحِقين بفصل الفلسفة.

هنبدأ دلوقتي بأول مطلوب، وهي إننا هنجمع التلات كسور اللي بيمثّلوا عدد الطلاب في فصول الرسم والموسيقى وأعمال النجارة. هنلاحظ إن التلات كسور ليهم نفس المقام. معنى كده إننا لما نيجي نجمع التلات كسور، هنكتب برضو في المقام العدد مية، وبعدين هنجمع الأعداد الموجودة في البسط لكل كسر منهم.

فهنجمع سبعة وأربعين، زائد عشرة بيساوي … سبعة زائد صفر سبعة، وأربعة زائد واحد خمسة. سبعة وخمسين هنضيف لها ستة وتلاتين، هيساوي … سبعة زائد ستة يساوي تلتاشر، تلاتة والواحد هنحطه في خانة العشرات، وبعدين هنضيف واحد زائد خمسة زائد تلاتة، بيساوي تسعة. وهو ده العدد اللي هنكتبه في البسط، وهو ده أول مطلوب.

أما تاني مطلوب إننا هنجيب الفرق بين الكسر اللي جبناه ده، اللي هو تلاتة وتسعين على مية، ناقص الكسر اللي بيمثّل الطلاب الملتحقين بفصل الفلسفة، اللي هو سبعة على مية. المقام هيكون مية؛ لأن المقامات متشابهة. وبعدين هنطرح الأعداد الموجودة في البسط؛ تلاتة وتسعين ناقص سبعة، يا ترى هيساوي كام؟ تلاتة هنطرح منها سبعة مش هينفع؛ لأن السبعة أكبر من التلاتة، وبالتالي هنستلف من خانة العشرات اللي جنبها واحد، فهتبقى تمنية، أما التلاتة هتكون تلتاشر. سبعة ناقص تلتاشر هيساوي ستة، وهتنزل التمنية زي ما هي من خانة العشرات.

وبالتالي البسط هنكتب فيه العدد ستة وتمانين. هنلاحظ في الكسر ده إن البسط والمقام أعداد زوجية؛ وبالتالي هيقبلوا القسمة على العدد اتنين. فهنقسم البسط والمقام على اتنين؛ علشان نحصل على كسر في أبسط صورة. ستة وتمانين على اتنين. بنبدأ بقسمة العشرات؛ تمنية على اتنين بتساوي أربعة، وستة على اتنين بتساوي تلاتة، أما مية على اتنين فبتساوي خمسين. فهيكون الكسر تلاتة وأربعين على خمسين هو المطلوب التاني.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.