تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد مجال الدوال الجذرية

سوزان فائق

عيِّن مجال الدالة د(ﺱ) = جذر (−٨ﺱ) + ١٦.

٠١:٣٩

‏نسخة الفيديو النصية

عيّن مجال الدالة د س يساوي الجذر التربيعي لسالب تمنية س زائد ستاشر.

مجال الدالة هو القيم اللي نقدر نعوّض بيها بالـ س علشان نوجد قيمة الدالة عندها، وهنا الجذر التربيعي سالب تمنية س لازم يكون تحت الجذر دايمًا قيمة موجبة. وبما إن إحنا عندنا هنا سالب تمنية، يبقى ضروري الـ س تكون قيمة تتضرب في السالب تمنية تدّينا قيمة موجبة. وبما إن حاصل ضرب عدد سالب في حاصل ضرب عدد سالب [عدد سالب] بيساوي قيمة موجبة، يبقى الـ س لازم تبقى قيمة سالبة علشان لمّا تتضرب في السالب تمنية دايمًا يطلعوا الاتنين أكبر من الصفر أو تساوي الصفر.

يبقى علشان السالب تمنية س تبقى أكبر من أو تساوي الصفر، لازم الـ س تبقى دايمًا أقل من الصفر أو ممكن تساويه. يبقى مجال الدالة هو قيم السينات اللي أقل من أو تساوي الصفر؛ هنكتبها على صورة فترة، كل القيم اللي أقل من الصفر يعني من السالب لا نهاية إلى الصفر، والصفر معانا، الفترة مغلقة من عنده، وعند سالب لا نهاية بتبقى الفترة مفتوحة. يبقى هو ده مجال الدالة المطلوب؛ من سالب ما لا نهاية إلى الصفر، ومغلق من عند الصفر.