فيديو: استنتاج المعلومات عن الأنماط التي تتضمَّن أشكالًا

أيٌّ مما يلي يُكمل النمط في الصف الناقص؟ [أ] شكل ١ [ب] شكل ٢ [ج] شكل ٣ [د] شكل ٤ [ﻫ] شكل ٥

٠٣:٢٧

‏نسخة الفيديو النصية

أيٌّ مما يلي يُكمل النمط في الصف الناقص؟

عاوزين نعرف أي اختيار من الاختيارات اللي قدامنا دي بتكمّل النمط، وتقولنا الصف اللي تحت ده هيكون عبارة عن إيه. فعلشان نعرف أي اختيار هو اللي صح، عاوزين نفهم شكل النمط الأول.

هنلاقي إن النمط عبارة عن مربعات. المربعات دي فيه منها اللي لونه أبيض، وفيه منها الملوّن. ومترتبين جنب بعض؛ بحيث إن ما فيش مربعين لونهم أبيض ييجوا جنب بعض، ولا مربعين ملوّنين ييجوا جنب بعض. فبالتالي لو فكّرنا إزاي نكمّل النمط اللي تحت عندنا ده، استحالة نحطّ مربعين لونهم أبيض جنب بعض، ولا مربعين ملوّنين جنب بعض. فده معناه إن الاختيار ده مرفوض؛ لأن فيه مربعات ملوّنة وبيضة جنب بعضها. وزيه الاختيار ده كمان مرفوض. والاختيار الأول كمان مرفوض؛ لأنه كل مربعات ملوّنة.

فكده مش باقي لنا غير الاختيار ده، والاختيار ده، وعاوزين نعرف مين فيهم الصح. فنبدأ نفهم النمط، ونشوف هينتج لنا إيه في الآخر؛ الاختيار الرابع، ولّا الاختيار الخامس.

لو جينا نبصّ على أول عمود، اللي هو بادئ من هنا، هنلاقي إن أول مربع لونه أبيض، اللي هو ده، والمربع اللي تحته ملوّن، واللي بعده أبيض، واللي بعده ملوّن. يبقى اللي بعده يبقى إيه؛ أبيض ولّا ملوّن؟ تعالوا كده نقول مع بعض تاني: أبيض، ملون، أبيض، ملون، أبيض؛ عرفنا المربع ده هيكون إيه؟ هيكون أبيض؛ لأننا بنمشي واحدة، وواحدة؛ واحد أبيض، وواحد ملون.

طيب تعالوا نشوف العمود اللي بعده. ها، بادئ بإيه؟ ملون، أبيض، ملون، أبيض، ملوّن. يبقى هنا ده هيكون ملوّن. نشوف العمود التالت: أبيض، ملوّن، أبيض، ملوّن، أبيض. يبقى كده المربع التالت هنا لونه أبيض. نشوف آخر عمود: ملوّن، أبيض، ملوّن، أبيض، ملوّن، قلنا إيه؟ ملوّن. يبقى إحنا كده آخر صف: أبيض، ملوّن، أبيض، ملوّن. هو أنهي اختيار بقى؟

الاختيار الرابع عندنا ده: ملوّن، أبيض، ملوّن، أبيض؛ مش هو. طب الاختيار الخامس: أبيض، ملوّن، أبيض، ملوّن؛ هو ده. بكده إحنا عرفنا إيه هو الاختيار الصح، واللي بيكمّل لنا النمط، هو الشكل ده، وده شكله لمّا كمّلنا بيه النمط.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.