فيديو: التأكد من البيانات المتطرِّفة لمجموعة بيانات

أعداد المباريات التي فاز بها ١٢ فريقًا في دوري محلي هي ١١، ٥، ٦، ٦، ٩، ١٠، ١٩، ١٤، ١١، ٩، ٩، ٦. هل العدد ١٩ يُمثِّل قيمة متطرفة في البيانات؟

٠٣:٤٨

‏نسخة الفيديو النصية

أعداد المباريات التي فاز بها اتناشر فريقًا في دوري محلي هي الموضحة كالتالي. هل العدد تسعتاشر يمثل قيمة متطرفة في البيانات؟

بنبدأ الأول بتعريف القيم المتطرفة. هي البيانات التي تزيد أو تقل كثيرًا عن قيمة الوسيط. والقيم المتطرفة هي بتكون كالتالي؛ بنلاقي إن البيانات اللي بتزيد عن المقدار الرُّبيع الأعلى زائد واحد ونص في المدى الرُّبيعي، والبيانات التي تقل عن المقدار الرُّبيع الأدنى ناقص واحد ونص في المدى الرُّبيعي، بتُسمى القيم المتطرفة.

بعد ما عرفنا إزاي هنقدر نحدد البيانات المتطرفة أو القيم المتطرفة، لازم نحسب المقدارين دول الأول. هنقول إن المقدار ده هو المقدار واحد، والمقدار ده هو المقدار اتنين. عشان نقدر نحدّد المدى الرُّبيعي والرُّبيع الأعلى والرُّبيع الأدنى، لازم نرتب البيانات ترتيبًا تصاعديًّا.

بنلاقي إن الترتيب التصاعدي للبيانات كالتالي زي ما إحنا شايفين. بعد كده هنبدأ نحسب الوسيط، وبنلاقي عندنا هنا إن عدد البيانات عدد زوجي؛ وبالتالي الوسيط هيكون متوسط قيمتين. بنقسّم البيانات زي ما إحنا شايفين كده إلى مجموعتين، وبنلاقي إن القيم اللي في النص هي القيم المُستخدمة لحساب الوسيط. وبالتالي يبقى الوسيط عبارة عن تسعة زائد تسعة، على الاتنين؛ بنلاقي إن الناتج بتسعة.

بعد كده هنبدأ نحدد الرُّبيع الأعلى والرُّبيع الأدنى، فبنلاقي إن مجموعة البيانات الأولى، بنلاقي إن متوسطها هو عبارة عن الرُّبيع الأدنى. يبقى ستة هي عبارة عن الرُّبيع الأدنى. بعد كده بنلاقي إن متوسط مجموعة البيانات الأخرى عبارة عن حداشر، ويبقى ده عبارة عن الرُّبيع الأعلى، يبقى الرُّبيع الأعلى بحداشر.

بعد كده هنحسب المدى الرُّبيعي، بنلاقي إن المدى الرُّبيعي بيساوي الرُّبيع الأعلى ناقص الرُّبيع الأدنى؛ فبنلاقي إن الرُّبيع الأعلى بحداشر ناقص الرُّبيع الأدنى بستة؛ يبقى المدى الرُّبيعي بخمسة. بعد كده هنحسب واحد ونص في المدى الرُّبيعي، يبقى بنعوّض واحد ونص في المدى الرُّبيعي بخمسة؛ يبقى الناتج عبارة عن سبعة وخمسة من عشرة.

الخطوة التالية هي إننا هنحسب قيمة المقدار واحد، وقيمة المقدار اتنين. قيمة المقدار واحد بتساوي الرُّبيع الأعلى حداشر، زائد واحد ونص في المدى الرُّبيعي بسبعة وخمسة من عشرة؛ يبقى الناتج تمنتاشر وخمسة من عشرة. بنحسب بعد كده قيمة المقدار اتنين، بنلاقي إنه عبارة عن الرُّبيع الأدنى، وهو عبارة عن ستة ناقص سبعة وخمسة من عشرة؛ بنلاقي إن الناتج عبارة عن سالب واحد وخمسة من عشرة.

وبكده يبقى البيانات اللي بتزيد قيمتها عن المقدار واحد؛ يعني عن تمنتاشر وخمسة من عشرة، تعتبر قيم متطرفة، واللي بتقل عن سالب واحد ونص تعتبر قيم متطرفة. بنلاقي عندنا إن تسعتاشر، بنلاقي إن العدد تسعتاشر بيزيد عن المقدار واحد، وهو عبارة عن تمنتاشر ونص. وبالتالي؛ نعم العدد تسعتاشر يمثّل قيمة متطرفة عندنا للبيانات اللي إحنا شُفناها في السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.