تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إنشاء معادلات تربيعية بمتغيِّر واحد

أحمد مدحت

طول مستطيل أطول من ضعف عرضه بـ ٣ سم. مساحة المستطيل ٢٧ سم^٢. اكتب معادلة يمكن استخدامها علشان لإيجاد ع عرض المستطيل بالسنتيمتر.

٠١:١٤

‏نسخة الفيديو النصية

عندنا في المثال إن طول مستطيل أطول من ضعف عرضه بتلاتة سنتيمتر. ومساحة المستطيل سبعة وعشرين سنتيمتر مربع. وعايزين نكتب معادلة نقدر نستخدمها علشان نوجد ع، واللي هو عرض المستطيل، بالسنتيمتر.

أول حاجة بالنسبة للمستطيل اللي عندنا، إن عرضه هو ع. ومن المعطيات اللي عندنا، طول المستطيل أطول من ضعف عرضه بتلاتة سنتيمتر. وده معناه إن طول المستطيل يساوي ضعف عرضه، بالإضافة إلى تلاتة سنتيمتر. وبما إن عرض المستطيل هو ع، فهيبقى ضعف عرض المستطيل هو اتنين ع. معنى كده إن طول المستطيل يساوي اتنين ع زائد تلاتة. بكده البُعدين بتوع المستطيل هم ع، واتنين ع زائد تلاتة.

وبما إن مساحة المستطيل تساوي حاصل ضرب طولا بُعديه، فبالتالي مساحة المستطيل تساوي ع في، اتنين ع زائد تلاتة. وإحنا عندنا في المثال، مساحة المستطيل سبعة وعشرين سنتيمتر مربع. فلمّا هنعوّض عن مساحة المستطيل بسبعة وعشرين، هيبقى عندنا: ع في، اتنين ع زائد تلاتة، يساوي سبعة وعشرين. وهي دي المعادلة اللي نقدر نستخدمها علشان نوجد عرض المستطيل ع.