تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: جمع عددين عشريين

أحمد مدحت

احسب الآتي: ٠٫٩٦ + ٠٫١٩.

٠١:٥٨

‏نسخة الفيديو النصية

احسب الآتي: ستة وتسعين من مية، زائد تسعتاشر من مية.

في المثال ده عايزين نوجد مجموع عددين عشريين. هم: ستة وتسعين من مية، وتسعتاشر من مية. علشان نجمع العددين العشريين: ستة وتسعين من مية، وتسعتاشر من مية. أول حاجة هنكتبهم فوق بعضيهم. هنبدأ الأول نكتب العدد العشري ستة وتسعين من مية. بعد كده هنكتب العدد العشري التاني تسعتاشر من مية، تحت العدد العشري الأول: ستة وتسعين من مية.

وهنراعي إن العلامة العشرية بتاعة العدد العشري تسعتاشر من مية، تبقى تحت العلامة العشرية بتاعة العدد العشري ستة وتسعين من مية. فهنكتب تسعتاشر من مية، تحت ستة وتسعين من مية.

بعد كده هنجمع. هنبدأ الأول نجمع خانة الأجزاء من مية. فهنجمع ستة زائد تسعة. وستة زائد تسعة، يساوي خمستاشر. هنكتب خمسة، وهنضيف واحد لخانة الأجزاء من عشرة.

بعد كده هنجمع خانة الأجزاء من عشرة. فهيبقى عندنا في خانة الأجزاء من عشرة، واحد زائد تسعة زائد واحد. وواحد زائد تسعة، عشرة. زائد واحد يساوي حداشر. فهنكتب واحد، وهنضيف واحد لخانة الآحاد.

بعد كده هنكتب العلامة العشرية في مكانها. بعد كده هنجمع خانة الآحاد. فهيبقى عندنا في خانة الآحاد واحد زائد صفر زائد صفر. وواحد زائد صفر زائد صفر، يساوي واحد. فهنكتب واحد.

وبكده يبقى إحنا جمعنا العددين العشريين: ستة وتسعين من مية، وتسعتاشر من مية. والناتج هو واحد وخمستاشر من مية. يعني معنى كده هيبقى ستة وتسعين من مية، زائد تسعتاشر من مية، يساوي واحد وخمستاشر من مية. وبكده يبقى إحنا أوجدنا المطلوب.