تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد ميل الخط المار بين نقطتين

أحمد مدحت

ما هو ميل الخط المار بالنقطتين (٢، −٢)، (٤، ٨)؟

٠١:١٥

‏نسخة الفيديو النصية

عندنا في المثال عايزين نوجد ميل الخط المار بالنقطتين: اتنين وسالب اتنين، وأربعة وتمنية.

علشان نوجد ميل الخط المستقيم، هنستخدم صيغة ميل المستقيم المار بنقطتين. وصيغة الميل اللي هنرمز له بالرمز م للخط المستقيم المار بالنقطتين: س واحد وَ ص واحد، وَ س اتنين وَ ص اتنين؛ هي الميل م يساوي ص اتنين ناقص ص واحد، على س اتنين ناقص س واحد. فهنستخدم صيغة الميل دي عشان نوجد ميل الخط المار بالنقطتين: اتنين وسالب اتنين، وأربعة وتمنية.

فهنفرض النقطقة اتنين وسالب اتنين هي النقطة س واحد وَ ص واحد. والنقطة أربعة وتمنية هي النقطة س اتنين وَ ص اتنين. فهنعوّض في صيغة الميل عن س واحد باتنين، وعن ص واحد بسالب اتنين، وعن س اتنين بأربعة، وعن ص اتنين بتمنية. فهيبقى ميل الخط م هيساوي تمنية ناقص سالب اتنين، على أربعة ناقص اتنين. بكده هتبقى م تساوي عشرة على اتنين. يعني م تساوي خمسة. بكده هيبقى ميل الخط المار بالنقطتين: اتنين وسالب اتنين، وأربعة وتمنية؛ هو خمسة.