فيديو: نموذج تدريب امتحان الفيزياء • ٢٠١٩ • السؤال الثالث أ

نموذج تدريب امتحان الفيزياء • ٢٠١٩ • السؤال الثالث أ

٠٢:٠٣

‏نسخة الفيديو النصية

ما عدد المرات التي يظهر فيها تيار متردد تردُّده ستين هرتز إلى قيمته العظمى في الثانية الواحدة؟

فالتيار المتردد بتتغير قيمة شدة التيار خلال دورة كاملة. فلو رسمنا العلاقة بين شدة التيار على المحور 𝑦، والزمن على المحور 𝑥. هنلاقي إن شدة التيار بتزيد من صفر للقيمة العظمى عند 𝑇 بتساوي رُبع الزمن الدوري. فتبدأ تقل من القيمة العظمى لصفر، عند 𝑇 بتساوي نص الزمن الدوري. وترجع تزيد من الصفر للقيمة العظمى، لكن في الاتجاه السالب. وده عند 𝑇 بتساوي تلاتة على الأربعة من الزمن الدوري. وترجع تاني لحدّ ما توصل للصفر تاني، عند 𝑇 بتساوي الزمن الدوري.

فلو كان تردُّد تيار متردد بيساوي ستين هرتز، فالمطلوب نوجد عدد المرات اللي هيوصل فيها التيار ده إلى قيمته العظمى في الثانية الواحدة. واللي هنرمز لها 𝑛. إحنا عارفين إن الزمن الدوري بيساوي مقلوب التردد. ولمّا نعوّض بِـ 𝑓، الزمن الدوري هيساوي واحد على ستين هرتز أُس سالب واحد. وهرتز أُس سالب واحد هي وحدة مكافئة لثانية. فيبقى الزمن الدوري بيساوي واحد على ستين ثانية.

لما نبصّ عَ المنحنى، هنلاقي إن شدة التيار بتوصل لقيمة عظمى مرتين خلال دورة كاملة. وده معناه إن شدة التيار بتوصل لقيمتها العظمى خلال الزمن الدوري، اللي هو بيساوي واحد على ستين ثانية. وبتوصل 𝑛 مرة خلال زمن قدرة واحد ثانية. فبضَرب الطرفين في الوسطين، هنلاقي 𝑛 في واحد على ستين ثانية، بيساوي اتنين في واحد ثانية. هنختصر الثانية مع الثانية. ونضرب طرفَي المعادلة في ستين. فهتبقى 𝑛 بتساوي مية وعشرين. فتبقى الإجابة مية وعشرين مرة. وبكده يبقى عرفنا عدد المرات اللي هيوصل فيها تيار متردد تردُّده ستين هرتز لقيمته العظمى في الثانية الواحدة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.