نسخة الفيديو النصية
هل الآتي صحيح: تلاتة أس أربعة بتساوي: تلاتة، زائد تلاتة، زائد تلاتة، زائد تلاتة؟
في البداية هنفتكر لو كان عندنا أ أس اتنين فبنكتبها في صورة أ في أ، وهنلاحظ إن هيكون عندنا اتنين في الأس، وبالتالي عندنا أ مكتوبة مرتين ومضروبين في بعض، لو كان عندنا أ أس تلاتة فهتساوي: هنكتب أ تلات مرات، وهنضربهم في بعض؛ يعني أ أُس تلاتة هتساوي أ في أ في أ، وبالتالي لو عندنا تلاتة أس أربعة فهتساوي، هنلاحظ إن عندنا في الأس أربعة؛ وبالتالي هنكتب تلاتة أربعة مرات، وهنضربهم في بعض، يعني تلاتة أس أربعة هتساوي: تلاتة، في تلاتة، في تلاتة، في تلاتة.
وبالتالي لو عايزين نشوف هل تلاتة أُس أربعة بتساوي: تلاتة، زائد تلاتة، زائد تلاتة، زائد تلاتة؛ فهنجد إن الكلام ده هيكون غير صحيح؛ لأن تلاتة أس أربعة لازم تساوي: تلاتة، في تلاتة، في تلاتة، في تلاتة؛ و بالتالي الإجابة هتكون لا.
