فيديو: إيجاد حجم هرم

أوجِد حجم المجسم الموضح لأقرب جزء من مائة.

٠٢:٠٤

‏نسخة الفيديو النصية

أوجد حجم المجسم الموضَّح لأقرب جزء من مائة.

عندنا مجسم على شكل ماسة، بس ما نقدرش نجيب حجمه بالطريقة دي. لازم نقسمه لمجموعة من الأشكال اللي نقدر نجيب حجمها.

نقدر نقسِّمه لهرمين؛ هرم في الأعلى، وهرم في الأسفل. وهيبقى حجم المجسّم بيساوي حجم الهرم واحد، زائد حجم الهرم اتنين.

وحجم أي هرم بيساوي تِلت مساحة القاعدة في الارتفاع. ولو طبّقنا الكلام ده على الهرم واحد. هيبقى حجمه بيساوي تِلت، مضروبًا في مساحة القاعدة. القاعدة على شكل مستطيل أبعاده عشرين متر وأربعتاشر متر. ومساحة المستطيل بتساوي الطول مضروبًا في العرض. يعني عشرين في أربعتاشر. وارتفاع هذا الهرم من على الرسم سبعتاشر متر. وده بيساوي أربعة آلاف سبعمية وستين على تلاتة متر مكعب.

نيجي للهرم التاني في الأسفل. أيضًا حجمه بيساوي تلت، مضروبًا في مساحة القاعدة. هو ليه نفس القاعدة. يعني القاعدة طولها عشرين وعرضها أربعتاشر. الارتفاع بس هو اللي مختلف. الارتفاع في هذه الحالة من على الرسم تمنتاشر. وده بيساوي ألف ستمية وتمانين متر مكعب.

ونرجع ونعوّض في أول حاجة اللي هي حجم المجسَّم بيساوي حجم الهرم واحد، زائد حجم الهرم اتنين. حجم هرم واحد قدرنا نجيبه اللي هو أربعة آلاف سبعمية وستين على تلاتة، زائد حجم هرم اتنين ألف ستمية وتمانين. وده بيساوي تسعة آلاف وتمنمية على تلاتة متر مكعب. وده هيساوي لأقرب جزء من مائة: تلات آلاف ميتين ستة وستين وسبعة وستين من مية متر مكعب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.