فيديو: حل المسائل الكلامية عن طريق جمع عددين صحيحين

تزن أنثى فيل ٥‎٣١٢ كجم، ويزن صغيرها ١‎‎٤١٤ كجم. ما إجمالي وزنيهما؟

٠٢:٠١

‏نسخة الفيديو النصية

تزن أنثى فيل خمسة آلاف تلتمية واتناشر كيلوجرام، ويزن صغيرها ألف ربعمية وأربعتاشر كيلوجرام، ما إجمالي وزنيهما؟

عندنا أنثى الفيل الأم الكبيرة وزنها خمسة آلاف تلتمية واتناشر كيلوجرام، وابنها الصغير ده وزنه ألف ربعمية وأربعتاشر كيلوجرام، هم الاتنين مع بعض وزنهم قد إيه؟

علشان نعرف وزنهم هم الاتنين مع بعض، هنجمع وزن الأم مع وزن ابنها، فهنقول خمسة آلاف تلتمية واتناشر زائد ألف ربعمية وأربعتاشر، ونكتب يساوي … هنجمع الآحاد مع الآحاد، فهنقول اتنين زائد أربعة تساوي ستة؛ بعدين نجمع العشرات مع العشرات، واحد زائد واحد يساوي اتنين؛ بعدين نجمع المئات مع المئات، تلاتة زائد أربعة، تلاتة زائد أربعة يساوي سبعة؛ وأخيرًا نجمع الألوف مع الألوف، خمسة زائد واحد، خمسة زائد واحد يساوي ستة؛ يبقى النتيجة ست آلاف سبعمية ستة وعشرين، نكتب جنبها التمييز كيلوجرام، وهي دي النتيجة اللي هنختارها.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.