فيديو: إيجاد قيم الأطوال المجهولة في مثلث بمعلومية أطوال الأضلاع الأخرى باستخدام العلاقات بين المستقيمات المتوازية

في الشكل، القطعتان ﺱﺹ، ﺏﺟ متوازيتان. إذا كان ﺃﺱ = ١٨، ﺱﺏ = ٢٤، ﺃﺹ = ٢٧، فما طول ﺹﺟ؟

٠٢:٢٩

‏نسخة الفيديو النصية

في الشكل، القطعتان س ص، وَ ب ج متوازيتان. إذا كان أ س يساوي تمنتاشر. وَ س ب يساوي أربعة وعشرين. وَ أ ص يساوي سبعة وعشرين. فما طول ص ج؟

بما إن س ص، وَ ب ج متوازيين. يبقى الزوايا المتناظرة في المثلثين أ س ص، وَ أ ب ج برضو هتكون متساوية. وبالتالي هيبقى قياس الزاوية أ ب ج، والزاوية أ س ص متساوي. وقياس الزاوية أ ص س، بيساوي قياس الزاوية أ ج ب. والزاوية أ هي زاوية مشتركة في المثلثين. وبالتالي نقدر نقول إن المثلث أ س ص، يشبه المثلث أ ب ج.

وفي المثلثات المتشابهة، بتكون النسب بين أطوال الأضلاع المتناظرة، متساوية. يعني ممكن نقول إن أ س على س ب، بيساوي أ ص على ص ج. وبما إن أ س بتساوي تمنتاشر، وَ س ب بتساوي أربعة وعشرين، وَ أ ص بتساوي سبعة وعشرين. فممكن نقول إن تمنتاشر على أربعة وعشرين، هتساوي سبعة وعشرين على ص ج.

وباستخدام التبسيط، نقدر نستنتج إن تلاتة على أربعة، بتساوي سبعة وعشرين على ص ج. وباستخدام الضرب التبادلي هيبقى تلاتة في ص ج، بيساوي أربعة في سبعة وعشرين. وبقسمة الطرفين على تلاتة، وباستخدام التبسيط، نقدر نقول إن ص ج هيساوي أربعة في تسعة. يعني هيساوي ستة وتلاتين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.