فيديو: تقريب حاصل ضرب الأعداد العشرية في ١٠٠٠ لأقرب عدد صحيح

٤٫٢٤٦‎٩ × ١٠٠‎٠ ≈ _ لأقرب عدد صحيح.

٠١:٣٢

‏نسخة الفيديو النصية

أربعة وألفين ربعمية تسعة وأربعين من عشرة آلاف، في ألف، يساوي تقريبًا عدد مجهول لأقرب عدد صحيح.

أول خطوة عايزين نعملها نوجد حاصل ضرب أربعة وألفين ربعمية تسعة وأربعين من عشرة آلاف في ألف. الحاصل الضرب الدقيق. وبعد كده نبقى نقرّب حاصل الضرب ده لأقرب عدد صحيح.

لمّا بنيجي نضرب أي عدد عشري في قوى العدد عشرة، بنشوف عدد الأصفار اللي موجودة في قوى العدد عشرة، وبعددهم بنحرك العلامة العشرية جهة اليمين عدد معيّن من الحركات. يعني الألف فيها واحد، اتنين، تلاتة؛ فيها تلات أصفار. وده معناه إننا هنحرّك العلامة العشرية تلات حركات جهة اليمين. يبقى حاصل الضرب هيبقى أربعة آلاف ميتين ستة وأربعين وتسعة من عشرة.

في عملية التقريب بنحط خط تحت الرقم اللي في الخانة المكانية اللي عايزين نقرب ليها. فإحنا هنا عايزين نقرب لأقرب عدد صحيح؛ يعني لأقرب رقم في خانة الآحاد. هنبُص على يمين الرقم ده، هنلاقي إن بعد العلامة العشرية فيه الرقم تسعة وهو أكبر من خمسة. ده معناها إننا هنزوّد الرقم اللي تحته الخط بواحد. يعني الستة هتصبح سبعة. أما أي حاجة على يمين الرقم ده فهتتحول كلها إلى أصفار.

وبالتالي فحاصل الضرب بعد ما نقرّبه لأقرب عدد صحيح، هيبقى بيساوي أربعة آلاف ميتين سبعة وأربعين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.