فيديو: الجمع بعد الآحاد والعشرات

يوضح الفيديو كيفية العد بالآحاد والعد بالعشرات لإيجاد المجموع، وكيفيتهما باستخدام قِطَع العد، وأمثلةً عليها.

٠٢:٥٤

‏نسخة الفيديو النصية

الجمع بعَدّ الآحاد والعشرات.

في الفيديو ده هنتعلم إزاي بنعدّ بالآحاد والعشرات؛ لإيجاد المجموع.

عاوزين نوجد ستة وعشرين زائد تلاتة بعَدّ الآحاد.

فعشان نوجد الحل هنبدأ بستة وعشرين، ونعدّ تلات أعداد بعده. فهيبقى ستة وعشرين، سبعة وعشرين، تمنية وعشرين، تسعة وعشرين. يبقى ستة وعشرين زائد تلاتة بيساوي تسعة وعشرين.

طيب لو عاوزين نوجد ستة وعشرين زائد تلاتين، بعَدّ العشرات.

يبقى هنبدأ بستة وعشرين، ونعدّ تلات أعداد بعدها، بس المرة دي هنزود عشرة بدل الواحد، أو هنزود واحد على العشرات. يعني لو هنبدأ بستة وعشرين، فهنزود عشرة هيبقى ستة وتلاتين، بعدين ستة وأربعين، بعدين ستة وخمسين. يبقى ستة وعشرين زائد تلاتين بيساوي ستة وخمسين.

نتنقل لصفحة تانية ونحل مثال تاني. باستخدام قطع العدّ والعَدّ بالآحاد، عاوزين نوجد سبعة وأربعين زائد اتنين.

أول حاجة هنعبّر عن السؤال بقطع العَدّ بالشكل ده. ونعدّ عددين بعد سبعة وأربعين. فلو اللي عَ اليمين بيعبّر عن سبعة وأربعين، يبقى هنزود تمنية وأربعين، تسعة وأربعين. وبالتالي سبعة وأربعين زائد اتنين بيساوي تسعة وأربعين.

نتنقل لصفحة تانية ونحل مثال تاني. باستخدام قطع العَدّ والعَدّ بالعشرات، عاوزين نوجد تلتاشر زائد تلاتين.

أول حاجة هنعبّر عن السؤال بقطع العَدّ، فهيبقى بالشكل ده. ونبدأ عَدّ من تلتاشر ونضيف تلات عشرات. فلو اللي على اليمين بيعبر عن تلتاشر؛ يبقى هنعد تلاتة وعشرين، تلاتة وتلاتين، تلاتة وأربعين. يبقى تلتاشر زائد تلاتين بيساوي تلاتة وأربعين.

وبكده نبقى خلصنا الفيديو ده اللي اتعلمنا فيه إزاي بنعدّ بالآحاد والعشرات لإيجاد المجموع.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.