تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: حساب ميل الخط المستقيم في التمثيل البياني

أحمد مدحت

احسب ميل المستقيم في التمثيل البياني.

٠١:٥٢

‏نسخة الفيديو النصية

عندنا في المثال تمثيل بياني وعايزين نحسب ميل المستقيم اللي موجود في التمثيل البياني ده.

علشان نوجد ميل المستقيم اللي في التمثيل البياني، هنحدد أي نقطتين بيمُرّ بيهم المستقيم ده، وهنستخدم صيغة ميل المستقيم المارّ بنقطتين، وصيغة الميل اللي هنرمز له بالرمز م للخط المستقيم المار بالنقطتين س واحد وَ ص واحد، وَ س اتنين وَ ص اتنين، هي: ميل المستقيم م يساوي ص اتنين ناقص ص واحد، على س اتنين ناقص س واحد. ففي الأول هنحدد أي نقطتين بيمُرّ بيهم المستقيم اللي عندنا في التمثيل البياني، وليكن مثلًا النقطة الأولى هي دي، الإحداثي السيني بتاع النقطة دي هو سالب واحد، أما الإحداثي الصادي فهو سالب اتنين؛ يعني النقطة الأولى هي سالب واحد وسالب اتنين، فهنفرض إن النقطة دي هي النقطة س واحد وَ ص واحد، بعد كده هنحدّد النقطة التانية اللي بيمُرّ بيها المستقيم، فهنحدد النقطة دي، الإحداثي السيني بتاع النقطة دي هو صفر، والإحداثي الصادي هو واحد؛ بكده النقطة التانية هي صفر وواحد، فهنفرض النقطة دي هي النقطة س اتنين وَ ص اتنين.

بعد ما حددنا النقطتين اللي بيمُرّ بيهم المستقيم، هنستخدم صيغة الميل علشان نوجد ميل المستقيم، فهنعوّض في صيغة الميل عن س واحد بسالب واحد، وعن ص واحد بسالب اتنين، وعن س اتنين بصفر، وعن ص اتنين بواحد. وبكده هيبقى ميل المستقيم م يساوي واحد ناقص سالب اتنين، على، صفر ناقص سالب واحد. وبالنسبة لواحد ناقص سالب اتنين فهو يساوي تلاتة، أما صفر ناقص سالب واحد فهو يساوي واحد؛ معنى كده إن م تساوي تلاتة على واحد، يعني م تساوي تلاتة. بكده هيبقى ميل المستقيم اللي في التمثيل البياني هو تلاتة.