نسخة الفيديو النصية
يمكن للأشكال أن تتدحرج، أو تتراصّ أو تنزلق. وفي السؤال ده، عندنا تلات أسئلة عايزين نجاوبهم. السؤال الأول منهم، هو: اختر الشكل الذي يمكن أن يتدحرج. أ: الهرم. ب: المخروط. وَ ج: المكعب.
الشكل اللي ممكن إنه يتدحرج، بيكون مثلًا عامل زيّ الكرة. لو رميناها على الأرض، هتفضل تمشي بعيد وتتدحرج. والشكل الوحيد في الاختيارات، اللي ممكن يعمل زيّ الكرة، هو المخروط. فهتكون إجابة السؤال ده، هي المخروط. واللي عرفنا إنه يتدحرج.
السؤال التاني هو: اختر الشكل الذي يمكن أن يتراصّ. أ: متوازي مستطيلات. ب: مخروط. وَ ج: كرة.
الشكل اللي ممكن إنه يتراصّ، هو اللي لو زقّيناه، مش هيتحرّك غير المسافة اللي إحنا وصلناه ليها. وكمان لو حطّينا فوقيه أيّ شكل، مش هيقع من فوقيه. لو جينا نجرّب الكرة، نحطّ فوقيها أيّ حاجة، هنلاقيها بتقع. وكمان المخروط، هتقع. لكن متوازي المستطيلات، هتكون هو ده الإجابة الأصح. وبالفعل هو من الأشكال اللي ممكن إنها تتراصّ.
آخر سؤال، واللي هو السؤال التالت: اختر الشكل الذي يمكن أن ينزلق. أ: الكرة. وَ ب: المخروط.
الشكل اللي بينزلق، لازم بيكون عنده قاعدة. علشان لو زقّيناه، بينزلق ويتحرّك على القاعدة دي، في الاتجاه اللي بنزقّه فيه. وفي الاختيارات، عندنا الكرة ما عندهاش قاعدة. أمّا المخروط، فعنده قاعدة. وهي دي اللي لمّا بنزقّه، بينزلق عليها. فهتكون الإجابة هي المخروط.
