فيديو: امتحان الفزياء للعام السابق • ٢٠١٨/٢٠١٧ • السؤال الحادي والعشرون ب

امتحان الفزياء للعام السابق • ٢٠١٨/٢٠١٧ • السؤال الحادي والعشرون ب

٠١:٥٨

‏نسخة الفيديو النصية

يمثّل الشكل الموضَّح تفرعًا في دائرة كهربية. أوجد شدة التيار في الفرع 𝑋، واتجاه التيار في الفرع 𝑌. ومعطى التيارات: اتنين أمبير، والأربعة أمبير، والتسعة أمبير، وَ 𝐼 داخلين لنقطة التفرُّع. والتيار تمنية أمبير خارج منها. والتيار عشرة أمبير مش عارفين اتجاهه. فهنستخدم قانون كيرشوف الأول على نقطة التفرع. اللي بيقول إن مجموع التيارات الداخلة والخارجة من نقطة، لازم يساوي صفر.

فهنفترض إن التيارات اللي داخلة بالموجب، والتيارات اللي خارجة بالسالب. فلمّا نطبّق القانون، هنلاقي إن اتنين أمبير زائد أربعة أمبير زائد تسعة أمبير بالموجب. وناقص تمنية أمبير علشان خارجة من النقطة. وهنحطّ العشرة أمبير من غير ما نحدّد إشارتها؛ لأننا مش عارفين اتجاهها. وهنحطّ الـ 𝐼 بإشارة موجبة؛ لأنه داخل النقطة. وكل ده بيساوي صفر. فلمّا نجمع التيارات اللي عارفينها وعارفين اتجاهاتها على بعض، فهنلاقيهم بيساووا سبعة أمبير.

وبما إننا عارفين اتجاه الـ 𝐼، فلازم قميتها لمّا تطلع تبقى بالموجب. فهنختار إشارة العشرة أمبير تبقى بالسالب. علشان ساعتها سبعة أمبير ناقص عشرة أمبير، هتبقى سالب تلاتة. وبالتالي لمّا نجمع تلاتة على الطرفين، هنطلّع إن 𝐼 بتساوي تلاتة أمبير. ويبقى كده جبنا شدة التيار اللي في الفرع 𝑋. وبما إننا اخترنا الإشارة السالبة علشان تكون إشارة العشرة أمبير، فده معناه إن اتجاه العشرة أمبير لأسفل. وده لأننا معرّفين من الأول إن التيار علشان تبقى إشارته سالبة، لازم يبقى خارج من نقطة التفرع.

وكان في طريقة تانية ممكن نلاحظ بيها اتجاه التيار في الفرع 𝑌. وهي إننا لو لاحظنا إن اتنين أمبير وأربعة أمبير وتسعة أمبير وَ 𝐼، كلهم داخلين للنقطة. بينما التيار الوحيد اللي خارج هو تمنية أمبير، وأقل من مجموع التلات تيارات دول. فأكيد لازم يبقى فيه تيار كمان، اللي هو هيبقى العشرة أمبير، ويبقى خارج من النقطة. وبكده يبقى عرفنا نجيب شدة التيار في الفرع 𝑋، واتِّجاه التيار في الفرع 𝑌.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.