نسخة الفيديو النصية
إذا كان المثلث أ ب ﺟ متساوي الأضلاع؛ فإن القطعة المستقيمة ب أ هي صورة القطعة المستقيمة ﺟ أ بالانعكاس في، نقط.
دلوقتي القطعة المستقيمة ﺟ أ، هتبقى صورتها القطعة المستقيمة ب أ؛ يعني النقطة ﺟ هتبقى صورتها النقطة ب. لو بصّينا عَ الشكل اللي عندنا، النقطة ﺟ هتبقى الصورة بتاعتها النقطة ب. وفي الانعكاس الصورة بتبعد عن محور الانعكاس نفس المسافة بتاعة النقطة الأصلية عن محور الانعكاس. فهنلاحظ إن الصورة اللي هي ب، بتبعد عن النقطة ﻫ مسافة مساوية لبعد النقطة ﺟ عن النقطة ﻫ.
هنلاحظ إن النقطة أ صورتها زي ما هي ما اتغيرتش، أ برضو. يبقى ده معناها إن النقطة أ بتنتمي لخط الانعكاس، أو واقعة على خط الانعكاس؛ عشان أي نقطة بتنتمي لخط الانعكاس صورتها بتنطبق على النقطة نفسها. ده معناه إن خط الانعكاس هيمُرّ بالنقطة أ والنقطة ﻫ.
فنقدر نقول إن خط الانعكاس هيبقى الخط المستقيم أ ﻫ. هو ده اللي يخلي القطعة المستقيمة ب أ صورة القطعة المستقيمة ﺟ أ.
