فيديو: إيجاد طول نموذج بمعلومية طولة الحقيقي ومُعامِل قياسه

إذا كان مُعامِل قياس تمثال بالنسبة إلى نموذج مُصغَّر للعرض يساوي ١٦ قدمًا إلى ٧ أقدام، وكان ارتفاع التمثال الأصلي يساوي ٥٥ قدمًا، فأوجد ارتفاع النموذج.

٠٢:١٣

‏نسخة الفيديو النصية

إذا كان معامل قياس تمثال، بالنسبة إلى نموذج مصغَّر للعرض، يساوي ستاشر قدمًا إلى سبع أقدام. وكان ارتفاع التمثال الأصلي يساوي خمسة وخمسين قدمًا. فأوجد ارتفاع النموذج.

وخلّينا في الأول نفتكر إن معامل القياس، هو النسبة بين الطول على الرسم، والطول الحقيقي. وفي الحالة اللي عندنا دي، هيبقى بيساوي … هيبقى بيساوي النسبة بين ارتفاع النموذج المصغر، وارتفاع التمثال الأصلي.

بما إن معطى عندنا في السؤال، إن معامل قياس تمثال بالنسبة إلى نموذج مصغر، بيساوي ستاشر قدمًا إلى سبع أقدام. فمعنى كده إن هيبقى معامل القياس هو سبعة على ستاشر. لأن سبع أقدام هي اللي بتمثّل ارتفاع النموذج المصغر. وأمّا الستاشر، فهي اللي بتمثّل ارتفاع التمثال. فمعنى كده إن هيبقى عندنا سبعة على ستاشر بيساوي ارتفاع النموذج المصغر، على ارتفاع التمثال الأصلي.

وبما إن معطى عندنا في السؤال إن ارتفاع التمثال الأصلي هو خمسة وخمسين قدمًا. فهنعوّض عن ارتفاع التمثال الأصلي، بخمسة وخمسين. والمطلوب إننا نوجد ارتفاع النموذج. فبالتالي هيبقى ارتفاع النموذج ده، هو اللي عايزين نوجده. وهنلاحظ إننا أهملنا كتابة الوحدات هنا؛ لأن كان معطى عندنا في السؤال جميع الوحدات بالقدم. فبالتالي مش هنحتاج إننا نحوّل وحدات.

بعد كده علشان نوجد ارتفاع النموذج، يبقى هنعمل ضرب تبادلي. وبالتالي هيبقى ارتفاع النموذج بيساوي سبعة في خمسة وخمسين، الكل على ستاشر. فلمّا نحسبها هتبقى بتساوي تلتمية خمسة وتمانين على ستاشر. ونقدر نكتبها في صورة عدد كسري، واللي هتساوي أربعة وعشرين وواحد على ستاشر. وأمّا الوحدة، فهتبقى بالقدم، زيّ ما معطى عندنا في السؤال. وبالتالي هيبقى ارتفاع النموذج هو أربعة وعشرين وواحد على ستاشر قدمًا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.