فيديو: إيجاد محيط مثلث

مثلث تقع رءوسه عند النقاط ﺃ، ﺏ، ﺟ، وإحداثياتها (٣، ٣)، (−١، ٣)، (٧، −٦)، على الترتيب. احسب محيط المثلث ﺃﺏﺟ، لأقرب رقمين عشريين.

٠٣:٢٠

‏نسخة الفيديو النصية

مثلث تقع رءوسه عند النقاط أ وَ ب وَ ﺟ، وإحداثياتها تلاتة وتلاتة، وسالب واحد وتلاتة، وسبعة وسالب ستة، على الترتيب. احسب محيط المثلث أ ب ﺟ لأقرب رقمين عشريين.

النقاط أ وَ ب وَ ﺟ، تلاتة وتلاتة ده قيمة النقطة أ اللي هي ممكن نعبّر عنها بـ س واحد وَ ص واحد؛ النقطة ب س اتنين وَ ص اتنين؛ النقطة ﺟ س تلاتة وَ ص تلاتة.

محيط المثلث أ ب ﺟ بيساوي مجموع أطوال أضلاعه؛ يعني هيساوي أ ب زائد ب ﺟ زائد أ ﺟ، هنوجد الأطوال أ ب وَ ب ﺟ وَ أ ﺟ، الـ أب بيساوي الجذر التربيعي للـ س اتنين ناقص الـ س واحد الكل تربيع؛ اللي هو إحداثي السينات، بنوجد الفرق ما بينه، بعد كده نربعه، وإحداثي الصادات نوجد الفرق ما بينهم وبعدين نربعهم، ونوجد الجذر التربيعي للمجموع المربعين؛ فهيبقى طول أب يساوي الجذر التربيعي للـ س اتنين ناقص الـ س واحد، اللي هي سالب واحد ناقص التلاتة، وده هنوجد له التربيع، زائد … الـ ص اتنين تلاتة، ناقص … الـ ص واحد تلاتة، وهنوجد له التربيع؛ السالب واحد ناقص التلاتة ده قيمته سالب أربعة، لمّا هنوجد التربيع يبقى ستاشر، زائد التلاتة ناقص التلاتة بصفر؛ يبقى قيمة الـ أب هتساوي الجذر التربيعي للستاشر، اللي هي هتساوي أربعة.

بنفس الطريقة بنوجد الـ ب ﺟ والـ أ ﺟ، واللي هي بتبقى الفرق ما بين قيم النقطتين ﺟ وَ ب؛ س تلاتة ناقص س اتنين الكل تربيع، زائد ص تلاتة ناقص ص اتنين الكل تربيع، ونوجد لهم الجذر التربيعي؛ يبقى الجذر التربيعي للسبعة ناقص السالب واحد تربيع، زائد السالب ستة ناقص التلاتة تربيع؛ السبعة ناقص السالب واحد يعني سبعة زائد واحد، يبقى تمنية تربيع، يبقى أربعة وستين؛ والسالب ستة ناقص التلاتة، يعني سالب تسعة تربيع، هتبقى قيمتها واحد وتمانين، يبقى هتساوي الجذر التربيعي للمية خمسة وأربعين.

الـ أ ﺟ اللي هو الفرق ما بين النقطتين ﺟ وَ أ، واللي هو س تلاتة ناقص س واحد تربيع، زائد ص تلاتة ناقص ص واحد تربيع، ونوجد لهم الجذر التربيعي، هيساوي الجذر التربيعي للـ س تلاتة، اللي هي قيمتها سبعة، ناقص … الـ س واحد قيمتها تلاتة، نوجد لهم التربيع، زائد … الـ ص تلاتة اللي هي سالب ستة، ناقص الـ ص واحد قيمتها تلاتة، تربيع؛ يبقى هتساوي الجذر التربيعي لسبعة وتسعين.

يبقى محيط المثلث أ ب ﺟ هيبقى مجموع أطوال الأضلاع؛ أربعة زائد جذر التربيعي للمية خمسة وأربعين، زائد الجذر التربيعي للسبعة وتسعين، واللي هو هيساوي تقريبًا خمسة وعشرين وتسعة وتمانين من مية، وهي دي قيمة محيط مثلث أ ب ﺟ مقرّبة لأقرب رقمين عشريين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.