فيديو: كتابة المجموعة الجزئية لفضاء العينة الذي يمثِّل حدثًا عند إلقاء عملة معدنية

أُلقيت عملة معدنية ثلاث مرات. أيٌّ من التالي يمثِّل حدث ظهور الكتابة مرتين على الأقل. [أ] {(ص، ص، ص)، (ص، ص، ك)، (ص، ك، ص)، (ك، ص، ص)} [ب] {(ص، ك، ك)، (ك، ص، ك)، (ك، ك، ص)} [ج] {(ص، ك، ك)، (ك، ص، ك)، (ك، ك، ص)، (ك، ك، ك)} [د] {(ص، ص، ص)، (ص، ص، ك)، (ص، ك، ص)، (ص، ك، ك)، (ك، ص، ص)، (ك، ص، ك)، (ك، ك، ص)}

٠٤:٢١

‏نسخة الفيديو النصية

ألقيت عملة معدنية ثلاث مرات. أيٌّ من التالي يمثِّل حدث ظهور الكتابة مرتين على الأقل؟

ومعطى عندنا الاختيارات. أ: المجموعة ص وَ ص وَ ص، وَ ص وَ ص وَ ك، وَ ص وَ ك وَ ص، وَ ك وَ ص وَ ص. ب: المجموعة ص وَ ك وَ ك، وَ ك وَ ص وَ ك، وَ ك وَ ك وَ ص. ج: المجموعة ص وَ ك وَ ك، وَ ك وَ ص وَ ك، وَ ك وَ ك وَ ص، وَ ك وَ ك وَ ك. د: المجموعة ص وَ ص وَ ص، وَ ص وَ ص وَ ك، وَ ص وَ ك وَ ص، وَ ص وَ ك وَ ك، وَ ك وَ ص وَ ص، وَ ك وَ ص وَ ك، وَ ك وَ ك وَ ص.

يعني لو ألقينا عملة معدنية تلات مرات، فعايزين نحدّد حدث ظهور الكتابة مرتين على الأقل. فخلّينا نشوف لو ألقينا العملة المعدنية دي أول مرة. فالاحتمالات اللي ممكن تطلع عندنا، هي إن هي تبقى صورة أو كتابة. وهنرمز للصورة بالرمز ص، وهنرمز للكتابة بالرمز ك.

طيّب بعد كده لو أول مرة ألقينا العملة ظهر وجه صورة. فتاني مرة لمّا نلقي العملة، إيه هي النتائج اللي ممكن نحصل عليها؟ فبعد ما تظهر أول مرة صورة، ممكن بعد كده تاني محاولة تبقى صورة أو كتابة. وبنفس الطريقة في حالة إن أول مرة ألقينا العملة ظهر وجه الكتابة. فيبقى تاني مرة نلقي فيها العملة، النتائج اللي ممكن نحصل عليها هي صورة أو كتابة.

وبنفس الطريقة هنا عند الصورة، ممكن يظهر في المرة التالتة صورة أو كتابة. وبنفس الطريقة هنا لمّا كانت تاني مرة كتابة، ممكن تالت مرة تكون صورة أو كتابة، وهكذا … فمعنى كده إن ممكن أول مرة نلقي العملة، تبقى على وجه الصورة. وتاني مرة صورة. وتالت مرة صورة. فهيبقى الناتج هو: ص وَ ص وَ ص. يعني لمّا ألقينا العملة تلات مرات، كل مرة ظهر نفس الوجه اللي هو الصورة.

وبنفس الطريقة ممكن أول مرة تبقى صورة، وبعد كده صورة، وبعد كده كتابة. فهيبقى الناتج هو: ص وَ ص وَ ك. يعني صورة في الأول، وبعد كده صورة، وآخر مرة كتابة. وهنكمّل بنفس الطريقة، نكتب جميع النتائج. فهتبقى هي دي جميع النتائج اللي ممكن نحصل عليها، عند إلقاء عملة معدنية تلات مرات.

لكن المطلوب منّنا إننا نحدّد حدث ظهور الكتابة مرتين على الأقل. فهنيجي عند النتائج اللي كتبناها، وهنشوف كل ناتج موجود فيه ظهور الكتابة مرتين على الأقل. فهنلاحظ إن أول نتيجة موجود فيها ظهور الكتابة مرتين، هي: ص وَ ك وَ ك. وبعد كده هنلاقي عندنا: ك وَ ص وَ ك. واللي بعدها: ك وَ ك وَ ص. وآخر حاجة هي: ك وَ ك وَ ك. لأن مطلوب نحدّد ظهور الكتابة مرتين على الأقل. يعني ممكن تبقى مرتين أو أكتر، فبالتالي هيبقى: ك وَ ك وَ ك، هو برضو أحد النواتج. فبالتالي هيبقى حدث ظهور الكتابة مرتين على الأقل، هو عبارة عن النتائج اللي إحنا عملنا عليها مربعات باللون الأخضر.

فلمّا نيجي نشوف الاختيارات اللي عندنا، هنلاحظ إن عندنا الاختيار ج، اللي هو المجموعة ص وَ ك وَ ك، وَ ك وَ ص وَ ك، وَ ك وَ ك وَ ص، وَ ك وَك وَ ك. فهنلاحظ إن الاختيار ج هو اللي بيحتوي على نفس النتائج، اللي إحنا كتبناها هنا. فبالتالي هيبقى الاختيار اللي بيمثّل حدث ظهور الكتابة مرتين على الأقل، هو الاختيار ج. المجموعة ص وَ ك وَ ك، وَ ك وَ ص وَ ك، وَ ك وَ ك وَ ص، وَ ك وَ ك وَ ك.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.