فيديو: استخدام خطوط الأعداد لتمثيل الضرب حتى ١٠٠

يمكننا استخدام خطوط الأعداد للضرب. اقفز للأمام بمقدار ٧. اقفز ٣ قفزات. ما العدد الذي تتوقَّف عنده؟ اكتب عبارة الجمع التي تطابق خط الأعداد. اكتب عبارة الضرب التي تطابق خط الأعداد.

٠١:٥٥

‏نسخة الفيديو النصية

يمكننا استخدام خطوط الأعداد للضرب. السؤال ده مكوّن من تلات أسئلة؛ أول سؤال: اقفز للأمام بمقدار سبعة. اقفز تلات قفزات. ما العدد الذي تتوقّف عنده؟ تاني سؤال: اكتب عبارة الجمع التي تطابق خطّ الأعداد. وتالت سؤال: اكتب عبارة الضرب التي تطابق خطّ الأعداد.

في أول سؤال: مطلوب منّنا نحدّد العدد اللي هنتوقّف عنده لمَّا نقفز على خطّ الأعداد تلات مرات، وكل قفزة بمقدار سبعة. بعد القفزة الأولى، وصلنا للعدد سبعة. وبعد العدد سبعة، هنعدّ سبعة كمان. فهنوصل للعدد أربعتاشر. وفي القفزة التالتة، هنعدّ سبعة تانيين بعد الأربعتاشر. فهنلاقي إننا هنوصل للعدد واحد وعشرين. وهي دي هتكون إجابة السؤال الأول.

تاني سؤال: مطلوب نكتب عبارة الجمع اللي بتفسّر وبتطابق خطّ الأعداد اللي عندنا. خطّ الأعداد اللي عندنا حصل فيه جمع للعدد سبعة تلات مرات. يعني نقدر نكتب عبارة الجمع: سبعة، زائد سبعة، زائد سبعة. واللي بيساوي العدد واحد وعشرين. وهي دي إجابة السؤال التاني.

وفي تالت سؤال: مطلوب منّنا نكتب عبارة الضرب اللي بتطابق خطّ الأعداد. وبما إننا قفزنا على خطّ الأعداد تلات مرات. وكل قفزة فيهم كان مقدارها سبعة. فنقدر نكتب حاصل ضرب سبعة في تلاتة، واللي بيساوي واحد وعشرين. وبكده إجابة السؤال التالت هتكون هي: عبارة الضرب تلاتة في سبعة يساوي واحد وعشرين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.