فيديو: مقارنة الأعداد

يتناول الفيديو كيفية المقارنة بين الأعداد حتى ٢٠، والعلامات المستخدمة للتعبير عن ذلك.

٠٤:٢٨

‏نسخة الفيديو النصية

مقارنة الأعداد.

هنعرف إزاي لو عندنا عددين، نقدر نقارن بينهم. الكلمات اللي هنستخدمها للمقارنة بين الأعداد هي: أكثر من، وأقل من، ويساوي. بمعنى لو عندنا عددين، وليكُن اتناشر والعدد التاني تلاتة، عايزين نقارن بينهم. معنى اتناشر، يعني مثلًا عندنا اتناشر عروسة، بالشكل ده. ومعنى تلاتة، يعني مثلًا عندنا تلات عرايس، بالشكل ده. دلوقتي بقى عندنا مجموعتين. أول مجموعة فيها اتناشر عروسة. والمجموعة التانية فيها تلات عرايس. هنلاحظ إنه عدد الاتناشر عروسة، أكثر من عدد التلات عرايس. وبالتالي نقدر نقول إن اتناشر هو أكثر من التلاتة. يبقى العدد اتناشر أكبر من أو أكثر من العدد تلاتة.

نجيب صفحة جديدة، ونشوف مثال تاني. لو عندنا مثلًا العدد خمسة، والعدد عشرة. خمسة يعني عندنا مثلًا خمس قطارات. وعشرة يعني عندنا عشر قطارات. عايزين نقارن بينهم. هنلاحظ إن عدد القطارات اللي هم عشرة، أكبر من عدد القطارات اللي هم خمسة. يبقى نقدر نقول إن الخمس قطارات، أقل من العشر قطارات. عشان الخمسة هو خمس قطارات فقط، لكن العشرة عندنا عشر قطارات. يبقى كده الخمسة أقل من العشرة.

نجيب صفحة تانية، ونشوف مثال على اليساوي. لو عندنا مثلًا أربعة وأربعة، عايزين نقارن بينهم. يعني مثلًا عندنا أربع برتقالات. هنلاحظ إن المجموعة الأولى هي أربع برتقالات. والمجموعة التانية هي برضو أربع برتقالات. معنى كده إن العدد أربعة يساوي العدد أربعة.

يبقى كده عرفنا إمتى نستخدم كلمة أكثر من، وإمتى نستخدم كلمة أقل من، وإمتى نستخدم كلمة يساوي. هنبدأ نجيب صفحة جديدة، ونشوف أمثلة.

عايزين نقارن بين الأعداد التالية. عندنا أول عددين هو تلاتة، والعدد عشرين. عايزين نقارن بينهم. هنلاقي إن العدد تلاتة، أقل من العدد عشرين. يبقى نقدر نقول إن تلاتة أقل من عشرين. بعد كده عندنا اتنين، واتنين. عندنا الاتنين تساوي الاتنين. يبقى نقدر نقول إن اتنين يساوي اتنين. آخِر حاجة عندنا العدد سبعتاشر، والعدد تسعة. عايزين نقارن بينهم. هنلاقي إن العدد سبعتاشر أكثر من العدد تسعة. يبقى هنكتب كلمة أكثر من.

يبقى كده اتكلمنا عن مقارنة الأعداد. وعرفنا إزاي نقارن بين عددين. وعرفنا الكلمات اللي بنقدر نستخدمها في مقارنة الأعداد؛ وهي: أكثر من، وأقل من، ويساوي.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.