فيديو: الأعداد النسبية وغير النسبية

حدِّد هل الجذر التكعيبي لمكعب كامل عدد نسبي أم غير نسبي.

٠١:٤٥

‏نسخة الفيديو النصية

حدّد هل الجذر التكعيبي لمكعّب كامل عدد نسبي أم غير نسبي.

عشان نحدّد الجذر التكعيبي لمكعّب كامل عدد نسبي أم غير نسبي، هنعرّف في البداية إيه هو العدد النسبي، وإيه هو العدد الغير نسبي. العدد النسبي هو كل عدد يمكن كتابته على صورة أ على ب، حيث ب لا تساوي صفر. ويمكن كتابته على صورة عدد عشري دوري أو منتهي. أمَّا العدد الغير نسبي، هو كل عدد لا يمكن كتابته على صورة أ على ب، حيث ب لا تساوي صفر. الأعداد الغير نسبية ممكن تكون أعداد عشرية غير دورية وغير منتهيّة، أو جذر تربيعي لعدد غير مربع، أو جذر تكعيبي لعدد غير مكعّب.

عشان نشوف الجذر التكعيبي لمكعّب كامل عدد نسبي أم غير نسبي، هناخد مثال. زيّ مثلًا الجذر التكعيبي لتمنية؛ لأن تمنية هي مكعّب كامل. لأن هي عبارة عن حاصل ضرب اتنين في اتنين في اتنين. يعني أقدر أقول: إنه الجذر التكعيبي لتمنية هيساوي اتنين.

ومثال تاني: لو أخدنا الجذر التكعيبي لسبعة وعشرين. سبعة وعشرين هي عبارة عن حاصل ضرب تلاتة في تلاتة في تلاتة. يعني الجذر التكعيبي لسبعة وعشرين هيساوي تلاتة. يعني نستنتج من الأمثلة دي إن الجذر التكعيبي لمكعّب كامل هيكون عدد نسبي.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.