فيديو: مقارنة الكسور في المسائل الكلامية

يوضّح الجدول الكسر الذي يمثّل مستخدمي الإنترنت الذين قاموا بأنشطة على الإنترنت. أيّ نشاط كان الأكثر استخدامًا؟

٠٢:٢٩

‏نسخة الفيديو النصية

يوضّح الجدول الكسر الذي يمثّل مستخدمي الإنترنت الذين قاموا بأنشطة على الإنترنت. أيّ نشاط كان الأكثر استخدامًا؟ النشاط: وده يمثّل الخانة الأولى. الخانة التانية: تمثّل الكسر الذي يمثّل مستخدمي الإنترنت. البحث عن معلومات: تسعة على عشرة. التحقُّق من درجات الحرارة: تسعة على خمسة وعشرين. تنزيل الموسيقى واحد على أربعة. كتابة أو قراءة مدوَّنة: تسعتاشر على خمسة وعشرين.

عشان نشوف النشاط الأكثر استخدامًا، هنقارن الكسور؛ عشان نشوف الكسر الأكبر. وعشان نعرف نقارن الكسور، هنوحّد المقامات. هنلاحظ إن المقامات هي: عشرة، خمسة وعشرين، أربعة، وخمسة وعشرين. وبالتالي المضاعف المشترك الأصغر للمقامات هو مية.

عشان أخلّي المقام الأولاني يكون مية، هضرب المقام في عشرة. وبالتالي هضرب البسط في عشرة. وعشان أخلّي المقام التاني، اللي هو خمسة وعشرين، يكون مية، هضرب في أربعة. وبالتالي هضرب البسط في أربعة. وعشان أخلّي المقام التالت، اللي هو أربعة، يبقى مية، هضرب في خمسة وعشرين. وبالتالي هضرب البسط في خمسة وعشرين. وعشان أخلّي المقام الرابع، اللي هو خمسة وعشرين، أخلّيه مية، هضرب في أربعة. وبالتالي هضرب البسط في أربعة.

تسعة في عشرة هيساوي تسعين، على … عشرة في عشرة هيساوي مية. الكسر التاني: تسعة في أربعة هيساوي ستة وتلاتين، على … خمسة وعشرين في أربعة هيساوي مية. الكسر التالت: واحد في خمسة وعشرين هيساوي خمسة وعشرين، على … أربعة في خمسة وعشرين هيساوي مية. والكسر الرابع: تسعتاشر في أربعة هيساوي ستة وسبعين، على … خمسة وعشرين في أربعة هيساوي مية.

وبكده هنكون وحّدنا المقامات، ونقدر نقارن بين الكسور. هنلاحظ إنه الكسر الأكبر هو تسعين على مية، اللي هو أصلًا كان تسعة على عشرة. ولمّا نرجع في الجدول، هنلاحظ إنه تسعة على عشرة هو الكسر اللي بيعبّر عن نشاط البحث عن المعلومات.

وبكده أقدر أقول: إنه النشاط الأكثر استخدامًا هو البحث عن المعلومات.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.