فيديو: ترتيب أعداد كسرية معطاه تصاعديًّا

استخدم التقريب لأقرب نصف لترتيب ٥/٤ ٣، ١١/١ ٣، ٣/٢ ٣ ترتيبًا تصاعديًّا.

٠١:٥١

‏نسخة الفيديو النصية

استخدم التقريب لأقرب نصف لترتيب: تلاتة وأربعة على خمسة، تلاتة وواحد على حداشر، تلاتة واتنين على تلاتة. عشان نقرب الأعداد الكسرية دي لأقرب نصف هنحدد موقعها على خط الأعداد من تلاتة وتلاتة وواحد على اتنين وأربعة، بما إن الأعداد التلاتة واقعة ما بين التلاتة والأربعة، فهنرسم تلات خطوط أعداد بنفس الطول، بعدين نحدد كل عدد من التلاتة على واحد من خط الأعداد، فنبدأ بتلاتة وأربعة على خمسة، فنحدده على خط الأعداد، فهنلاقي إن موقعه على خط الأعداد هيبقى في النقطة دي؛ وبالتالي نقدر نقول إنه بالتقريب لأقرب نصف هيساوي تقريبًا أربعة.

بعد كده نحدد العدد تلاتة وواحد على حداشر على خط الأعداد التاني، فهنلاقي إن موقعه على خط الأعداد في النقطة دي، وبالتقريب لأقرب نصف هنلاقي إن أقرب عدد ليه هو تلاتة.

آخر حاجة هنحدد العدد تلاتة واتنين على تلاتة على خط الأعداد، فهنلاقي إن موقعه على خط الأعداد في النقطة دي، وبالتالي بالتقريب لأقرب نصف، تلاتة واتنين على تلاتة هيساوي تقريبًا تلاتة وواحد على اتنين، يبقى ترتيب الأعداد هو تلاتة وواحد على حداشر؛ لأنه بيتقرب تقريبًا لتلاتة، يليه تلاتة واتنين على تلاتة؛ لأنه بيتقرب تقريبًا لتلاتة وواحد على اتنين، يليه تلاتة وأربعة على خمسة؛ لأنه بيتقرب تقريبًا لأربعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.