فيديو: إيجاد مساحة المضلع المنتظم بمعلومية طول ضلعه

أوجد، لأقرب رقمين عشريين، مساحة مضلع منتظم له ١٤ ضلعًا؛ حيث طول ضلعه ٢١ سم.

٠١:٤٠

‏نسخة الفيديو النصية

أوجد لأقرب رقمين عشريين مساحة مضلع منتظم له أربعتاشر ضلعًا. حيث طول ضلعه واحد وعشرين سنتيمتر.

بالنسبة لمساحة المضلع المنتظم اللي عدد أضلاعه ن، وطول ضلعه س، فهو يساوي: واحد على أربعة ن س تربيع، في ظا؛ ن ناقص اتنين في مية وتمانين درجة، على اتنين ن.

وإحنا في المثال ده عايزين نوجد مساحة مضلّع منتظم ليه أربعتاشر ضلع. معنى كده إن ن تساوي أربعتاشر. وطول ضلع المضلع المنتظم واحد وعشرين سنتيمتر. يعني معنى كده إن س تساوي واحد وعشرين سنتيمتر.

فهنعوّض في العلاقة اللي عندنا عن ن بأربعتاشر وعن س بواحد وعشرين. فهيبقى عندنا إن مساحة المضلع تساوي واحد على أربعة، في أربعتاشر، في واحد وعشرين تربيع، في ظا أربعتاشر ناقص اتنين في مية وتمانين درجة على اتنين في أربعتاشر.

فلمّا هنحسب المقدار واحد على أربعة في أربعتاشر في واحد وعشرين تربيع في ظا أربعتاشر ناقص اتنين في مية وتمانين درجة على اتنين في أربعتاشر. هنلاقي إن مساحة المضلع تقريبًا تساوي ست آلاف سبعمية اتنين وستين واتنين وخمسين من مية سنتيمتر مربع.

بكده يبقى إحنا أوجدنا مساحة المضلع المنتظم اللي ليه أربعتاشر ضلع، وطول ضلعه. واحد وعشرين سنتيمتر وهي تقريبًا تساوي ست آلاف سبعمية اتنين وستين واتنين وخمسين من مية سنتيمتر مربع. وهو ده المطلوب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.