فيديو: التعبير عن الكسور في صورة لفظية

اكتب ٣/١ بالحروف. [أ] ثلث [ب] ثلاثة [ج] نصف [د] ربع

٠١:٢٨

‏نسخة الفيديو النصية

اكتب واحد على تلاتة بالحروف. وعندنا أربع اختيارات هتكون الإجابة واحدة منهم.

واحد على تلاتة ده كسر معبَّر عنه بالأعداد، وعايزين نعبر عنه بالحروف، يا ترى بنقول عليه إيه؟ واحد على تلاتة زي الشكل الموجود اللي قدامنا ده، واللي هو عبارة عن دائرة ومتقسّمة لأجزاء متساوية. وطالما متقسّمة لأجزاء متساوية، فنقدر نعبّر عنها في صورة كسر.

والكسر بيتكوّن من بسط؛ وهو العدد المكتوب فوق، واللي بيعبّر عن عدد الأجزاء المظلّلة. يعني في الشكل ده، عدد الأجزاء المظلّلة هو واحد؛ فهنكتب واحد فوق مكان البسط. و الكسر بيتكوّن كمان من مقام؛ وهو العدد المكتوب تحت، واللي بيعبّر عن عدد الأجزاء كلها. وعدد الأجزاء كلها في الشكل ده هو: واحد، اتنين، تلاتة. فهنكتب تلاتة في المقام.

علشان كده بنقول على الجزء المظلل ده إنه هو جزء من أصل تلات أجزاء متساوية. يعني هو واحد على تلاتة من الشكل كله. ونقدر كمان نقول على الجزء المظلل ده إنه ثلث الشكل كله. يعني إذا كانت واحد مقسومة على تلاتة، فنقدر نكتبها ثلث.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.