فيديو: طرح عددين حتى ٩٩ باستخدام مكعبات الأعداد

نعلم أن ١٢ + ٧ = ١٩. استخدم الصورة لترى ذلك إن احتجت. استخدم حقائق الجمع لإيجاد العدد الناقص في جملة الطرح. ١٩ − ٧ = _.

٠٣:١١

‏نسخة الفيديو النصية

نعلم أن اتناشر زائد سبعة تساوي تسعتاشر. استخدم الصورة لترى ذلك إن احتجت. استخدم حقائق الجمع لإيجاد العدد الناقص في جملة الطرح: تسعتاشر ناقص سبعة تساوي نقط.

يعني إيه؟ مدّينا جملة جمع، اللي هي اتناشر زائد سبعة تساوي تسعتاشر. وبيقول لنا عاوزين نستخدم حقائق الجمع من جملة الجمع اللي فوق دي، علشان نحلّ جملة الطرح دي: تسعتاشر ناقص سبعة تساوي كام؟ وممكن نستخدم الصورة دي لو احتجنا. فإحنا هنحلّها في الأول بدون استخدام الصورة. بعد كده هنحلّها تاني باستخدام الصورة.

فهنبدأ نفهم جملة الجمع الأول، علشان نعرف نحلّ جملة الطرح. جملة الجمع بتقول لنا إيه؟ اتناشر لو زوّدنا عليهم سبعة، الناتج هيكون تسعتاشر. طيّب وجملة الطرح؟ تسعتاشر لو شِلنا منها سبعة، الناتج هيكون كام؟ تسعتاشر لو شِلنا منها سبعة، الناتج هيكون كام؟ فهمتم أنا عملت إيه؟ زيّ مثلًا ما نقول اتنين زائد تلاتة تساوي خمسة. طيّب خمسة لو شِلنا منها تلاتة هتساوي كام؟ خمسة لو شِلنا منها تلاتة هتساوي كام؟ اتنين. ده نفس اللي هنعمله بالظبط في السؤال بتاعنا. لمّا نيجي نقول تسعتاشر هنشيل منها سبعة، يبقى الناتج اتناشر. فنكتب هنا اتناشر. وهي دي إجابة السؤال.

طيّب هنحلّها بقى تاني باستخدام الصورة. طيّب تعالوا بقى نفهم الصورة بتقول لنا إيه. الصورة هنا عبارة عن صفين. الصف الأول ده فيه التسعتاشر مربع. من أول الواحد لحد التسعتاشر، أو التسعتاشر عدد. الصف التاني بقى مقسوم لنُصّين. النُّصّ ده فيه اتناشر، أو الجزء مش النُّصّ. والجزء ده فيه سبعة. وجملة الطرح بتقول لنا إيه؟ إن التسعتاشر دول كلهم، هم الاتناشر دول مجموع عليهم السبعة دول. كده فهمنا الصورة.

تعالوا بقى باستخدام الصورة نحلّ جملة الطرح. طيّب هم عايزين إيه في جملة الطرح؟ عايزين التسعتاشر دول نشيل منهم إيه؟ السبعة دول. فيتبقّى لنا إيه؟ الاتناشر دول، بكل بساطة. تاني؛ عاوزين التسعتاشر دول، كلهم كده، نشيل منهم السبعة دول. لو جينا كده شطبنا. واحد، اتنين، تلاتة، أربعة، خمسة، ستة، سبعة. هيتبقّى لنا إيه؟ الاتناشر دول. يبقى عشان كده الناتج اتناشر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.