فيديو: استنتاج المعلومات عن الأنماط التي تتضمَّن أشكالًا

ما الشكل التالي في النمط الموضَّح؟

٠١:٥٩

‏نسخة الفيديو النصية

ما الشكل التالي في النمط الموضَّح؟

إيه الشكل اللي عليه الدّور أو الشكل المفروض يبقى هنا؟ تعالوا نشوف النمط بيتكوّن من إيه؛ عشان نستنتج الشكل التالي هيكون إيه.

أول جزء أو أول شكل في النمط هو الشكل ده؛ عبارة عن صفوف من الدواير. آدي ده أول صفّ، وده التاني، وده التالت، وده الرابع. إيه اللي حصل بعد كده؟ جينا في الشكل اللي بعده بقوا تلات صفوف بس؛ واحد، اتنين، تلاتة. يبقى هنا ده كان أربع صفوف، وبقى تلات صفوف. طب في اللي بعده إيه اللي حصل؟ واحد، اتنين. بقى صفّين اتنين بس. إيه اللي بيحصل ده؟ كانوا أربعة، بقوا تلاتة، بقوا اتنين، في الآخر هيبقى إيه؟ واحد. عشان هو اللي عليه الدور.

يبقى كده إحنا مشينا في النمط؛ أول حاجة كانوا أربع صفوف. شطبنا عَ الصفّ ده كله، اتبقّى لنا هنا تلات صفوف. شطبنا عَ الصفّ ده كله، اتبقّى لنا هنا صفّين. شطبنا عَ الصفّ ده كله، ما اتبقّاش غير الواحد ده، حطّيناه هنا.

نقولها مرة كمان: في الشكل الأول كان بالشكل ده. شطبنا على الصفّ ده كله ما اتبقّاش غير الجزء ده بس، فرحنا حطّيناه هنا. وجينا للشكل التاني شطبنا على ده أو شِلناه، فما اتبقّلناش غير الشكل ده، حطّيناه هنا. فجينا هنا شطبنا على آخر صفّ برضو، فما اتبقّلناش غير الواحد ده، فحطّيناه هنا. فتبقى الإجابة المطلوبة هي إيه؟ هي الشكل ده.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.