فيديو السؤال: التحقُّق من الصورة العشرية لعدد أسي الرياضيات

هل العملية التالية صحيحة: ٥^٣ = ٥ × ٥ × ٥؟

٠١:٠٦

‏نسخة الفيديو النصية

هل العملية التالية صحيحة: خمسة أُس تلاتة يساوي خمسة في خمسة في خمسة؟

وخلينا في الأول نفتكر إنّ رفع العدد إلى أُس هو تكرار ضرب العدد في نفسه عدة مرات؛ فمثلًا اتنين أُس اتنين معناها اتنين في اتنين، واتنين أُس تلاتة معناها اتنين في اتنين في اتنين، وهكذا. فمعنى كده إننا لمّا بنرفع أي عدد لأُس بيبقى بيساوي تكرار ضرب العدد في نفسه عدد من المرات، والعدد ده بيساوي الأُس اللي مرفوع ليه العدد.

فمعنى كده إننا لمّا نشوف السؤال اللي عندنا، خمسة أُس تلاتة، يعني عندنا العدد خمسة مرفوع للأس تلاتة، واللي معناها هيبقى تكرار ضرب العدد خمسة في نفسه تلات مرات؛ يعني هيساوي خمسة في خمسة في خمسة، واللي هتبقى زي العملية اللي معطاة عندنا في السؤال؛ وبالتالي هتبقى إجابة السؤال «هل العملية التالية صحيحة؟» هي: نعم.

Nagwa uses cookies to ensure you get the best experience on our website. Learn more about our Privacy Policy.